• Mobil versiya
  • Bog'lanish
Generic selectors
Exact matches only
Search in title
Search in content
Search in posts
Search in pages

МАРКАЗИЙ ОСИЁ ДАВЛАТЛАРИНИНГ ХАЛҚАРО ЭПИЗООТИК БЮРО ҲАМДА БМТ ОЗИҚ-ОВҚАТ ВА ҚИШЛОҚ ХЎЖАЛИГИ ТАШКИЛОТИ БИЛАН ВЕТЕРИНАРИЯ СОҲАСИДАГИ ҲАМКОРЛИК МУНОСАБАТЛАРИ МУҲОКАМА ҚИЛИНДИ

Chop etildi: 08.07.2020

Kategoriyalar: Yangiliklar,Yurtimiz yangiliklari

Марказий Осиё давлатларининг Халқаро Эпизоотик Бюро ҳамда БМТ озиқ-овқат ва қишлоқ хўжалиги ташкилоти билан ветеринария соҳасидаги ҳамкорлик муносабатлари муҳокама қилинди

Ветеринария ва чорвачиликни ривожлантириш давлат қўмитасида Марказий Осиё давлатлари ветеринария соҳаси мутахассислари, қўмита масъул ходимлари, Халқаро Эпизоотик Бюро (OIE) ҳамда БМТнинг озиқ-овқат ва қишлоқ хўжалиги ташкилоти (FAO) экспертлари иштирокида видеоконференция ўтказилди.

Унда Марказий Осиё давлатларининг ветеринария соҳаси бўйича Халқаро Эпизоотик Бюро ва FAO билан ўзаро ҳамкорлик муносабатлари, бу борада имзоланиши кутилаётган меморандумнинг муҳим жиҳатлари муҳокама қилинди. Видеомулоқотда Халқаро Эпизоотик Бюронинг Марказий Осиё давлатлари бўйича минтақавий офиси раҳбари Мереке Тайтубаев меморандум хусусида ўз фикрларини билдираркан, ушбу меморандум Халқаро Эпизоотик Бюро ва ФАО экспертлари ҳамда ташкилотга аъзо давлатларнинг OIE бўйича делегатлари билан биргаликда имзоланиши мақсадга мувофиқлигини таъкидлади.

Видеоконференция давомида БМТнинг озиқ-овқат ва қишлоқ хўжалиги ташкилоти мутахассислари томонидан ишлаб чиқилган бруцеллёз касаллиги бўйича тезкор маълумот алмашиш веб-платформаси (Vet-report маълумотларни йиғиш платформаси)нинг афзал жиҳатлари ҳамда Марказий Осиё минтақасида жорий йил биринчи чоракда амалга оширилган ишларга ҳам эътибор қаратилди.

FAO ташкилотининг халқаро маслаҳатчиси Динара Иманбаева томонидан келтирилган маълумотларга кўра, FAO Вет-ҳисобот тизими маълумотларни Халқаро Эпизоотик Бюронинг “WAHIS” платформасига киритиш имкониятини яратади. Бу ўз ўрнида экспертларда катта қизиқиш уйғотди. Яқин кунларда БМТнинг озиқ-овқат ва қишлоқ хўжалиги ташкилоти мутахассислари томонидан Марказий Осиёнинг барча мамлакатларига электрон манзил юборилади ва мазкур тизимга уланиш имконияти пайдо бўлади. Натижада Халқаро эпизоотик бюрога аъзо барча давлатлар ҳайвонлар касалликлари тўғрисидаги маълумотлар доимий равишда WAHIS платформасига жойлаштириб борилади.

Маълумки, бруцеллёз касаллиги – хавфли зооноз касаллик бўлиб, кўп йиллардан буён Марказий Осиё давлатлари чорвачилигига жиддий зарар етказиб келади. Ушбу муаммони ҳал этиш мақсадида БМТнинг озиқ-овқат ва қишлоқ хўжалиги ташкилоти 2019 йилда худудий “Бруцеллёз касаллигини босқичма-босқич йўқотиш” лойиҳасини амалга оширишни бошлади.

Шунингдек, видеоконференцияда мазкур лойиҳа доирасидаги муҳим вазифалар, хусусан, жорий йил FAO миссиясининг Ўзбекистонга ташрифига доир масалаларга ҳам тўхталиб ўтилди.

 

Ветеринария ва чорвачиликни ривожлантириш
Давлат қўмитаси Ахборот хизмати

ЯНГИ ҚАРОР МУҲОКАМАСИ “ЎЗБЕКИСТОН 24” РАДИОКАНАЛИНИНГ “АХБОРОТ 24” ДАСТУРИДА

Chop etildi: 08.07.2020

Kategoriyalar: Yangiliklar,Yurtimiz yangiliklari

Янги қарор муҳокамаси “Ўзбекистон 24” радиоканалининг “Ахборот 24” дастурида

Қорақалпоғистоннинг кенг яйловлари ва қулай иқлим шароитлари чорвачиликни ривожлантириш учун мос худуд ҳисобланади.

Сўнгги йилларда худудда мазкур соҳани ривожлантириш бўйича қатор ишлар амалга оширилди.

Шунингдек, жорий йил 3 июлда Ўзбекистон Республикаси Президентининг “Қорақалпоғистон Республикасида чорвачилик тармоқларини жадал ривожлантириш бўйича қўшимча чора-тадбирлар тўғрисида”ги Қарори қабул қилинди.

Мазкур қарорда белгилаб берилган муҳим вазифалар худудда чорвачилик тармоқларини жадал ривожлантириш, яйлов ва пичанзорлардан самарали фойдаланиш ҳисобига аҳолининг чорвачилик маҳсулотларига бўлган эҳтиёжини таъминлаш даражасини яхшилашга замин яратади.

“Ўзбекистон 24” радиоканалининг “Ахборот 24” дастурида ушбу Қарор билан амалга оширилиши лозим бўлган долзарб вазифалар хусусида интервью ташкил этилди.

Унда Қорақалпоғистон Республикаси Ветеринария ва чорвачиликни ривожлантириш қўмитаси раиси Қияс Пирназаров мавзуга оид мулоҳазаларини баён этди.

Ветеринария ва чорвачиликни ривожлантириш
Давлат қўмитаси Ахборот хизмати

COVID19 ИНФЕКЦИЯСИ ТАРҚАЛИШИГА ҚАРШИ ТАДБИРЛАР ЮЗАСИДАН ХАЛҚАРО ЭПИЗООТИК БЮРО МАХСУС КОМИССИЯНИНГ ОНЛАЙН ЙИҒИЛИШИ БЎЛИБ ЎТДИ

Chop etildi: 07.07.2020

Kategoriyalar: Markaz yangiliklari,Yangiliklar,Yurtimiz yangiliklari

#COVID19 ИНФЕКЦИЯСИ ТАРҚАЛИШИГА ҚАРШИ ТАДБИРЛАР ЮЗАСИДАН ХАЛҚАРО ЭПИЗООТИК БЮРО МАХСУС КОМИССИЯНИНГ ОНЛАЙН ЙИҒИЛИШИ БЎЛИБ ЎТДИ

Жорий йил 7 июл куни Халқаро Эпизоотик Бюро Бош директори Моник Элуа хоним бошчилигида 180 давлатнинг делегатлари иштирокида видеоконференция шаклида йиғилиш бўлиб ўтди.

Онлайн тадбирда, Халқаро Эпизоотик Бюронинг Ўзбекистондаги доимий делегати, Ветеринария ва чорвачиликкни ривожлантириш давлат қўмитаси раиси ўринбосари Аброр Акбаров иштирок этди.

Мазкур онлайн тадбирда #COVID19 коронавирус пандемиясининг тарқалиши, унинг олдини олишга қаратилган бир қатор чоралар, ҳайвонларни мазкур инфекция бўйича диагностика қилиш масалалари муҳокама қилинди.

Бугунги кунда глобал муаммога айланган #COVID19 инфекциясига қарши курашишда бутун жаҳонда ветеринария хизмати муносиб ҳисса қўшиб келаётганлиги алоҳида қайд этилди.

Халқаро Эпизоотик Бюро бош директори М.Элуа барча вакилликлар ва делегатларни ушбу жараёнларда фаол иштирок этиш, яқиндан ҳамкорлик қилиш ҳамда ҳар қандай янги маълумотлар ва касалликка қарши курашишда орттирилган илғор тажрибалар билан ўртоқлашишга чақирди.

Видеоконференцияда Халқаро Эпизоотик Бюро томонидан бир нечта техник гуруҳлар ушбу касалликни тадбиқ этиш учун жалб қилинганлиги, ушбу маҳсус гуруҳлар томонидан жаҳон миқёсида илмий-тадқиқот ишлар кенг кўламда олиб борилаётганлиги таъкидланди.

Сўзга чиққан гуруҳ аъзолари соғлиқни сақлаш ташкилотлари билан ветеринария ташкилотлари ҳамкорликда “Ягона соғлиқ” – “One Health” концепцияси доирасида биргаликда ушбу касалликка қарши курашиш зарурлигига тўхталиб, ишчи гуруҳи томонидан ишлаб чиқилган тавсиялар, бирламчи натижалар ва маълумотлардан самарали фойдаланиш тавсия этилди.

Юртимизда ҳам ушбу касаллик билан курашишда Давлат ветеринария хизмати томонидан бир қатор ишлар амалга оширилмоқда.

Жумладан, барча ветеринария давлат органлари ва муассасаларида, чегара ветеринария назорат пунктларида зарурий дезинфекцияловчи воситалар заҳираси яратилиб, барча зарурий профилактик чоралар кўрилмоқда.

Коронавирусдан сақланиш ҳамда ҳайвонларни парваришлашда тўғри ёндошув ташкил этиш юзасидан тавсиялар, кўрсатмалар ишлаб чиқилиб, ҳайвон эгалари ва мутахассисларга етказилмоқда.

Пандемия оқибатида соғлиқни сақлаш ташкилотларида юзага келган эҳтиёжни қондириш мақсадида Қўмита тасарруфида бўлган ўнга яқин полимер-занжирли реакция қўйувчи замонавий лаборатория ускуналаридан касалликка ташхис қўйишда фойдаланиш йўлга қўйилди.

Ветеринария лабораториясида фаолият олиб бораётган 11 нафар малакали мутахассислар соғлиқни сақлаш вазирлиги билан ҳамкорликда махсус тайёргарликдан ўтказилиб, касалликка ташхис қўйишда кўмаклашмоқда.

Шуни таъкидлаб ўтиш жоизки, Бирлашган миллатлар ташкилоти тизимидаги МАГАТЭ халқаро ташкилоти томонидан Ветеринария ва чорвачиликни ривожлантириш давлат қўмитасига грант маблағлари ажратилиб, қиймати 83 минг АҚШ доллари миқдоридаги #COVID19 касаллигига қарши курашишда фойдаланиш мақсадида лаборатория жиҳозлари жамланмаси, шу жумладан, полимер-занжирли реакция қўйувчи замонавий лаборатория ускуналари, тест тизимлари, биологик шкаф каби муҳим жиҳозлар таъминот қилинди. Ушбу жиҳозлар ишга туширилиши натижасида касалликни эрта ташҳислаш ишлари самарадорлиги янада оширилишига эришилади.

Ветеринария ва чорвачиликни ривожлантириш
Давлат қўмитаси Ахборот хизмати

СИРДАРЁДА ҚОРАМОЛЛАРНИ СУНЪИЙ УРУҒЛАНТИРИШ ВА ТУРЛИ КАСАЛЛИКЛАРГА ҚАРШИ ЭМЛАШ ТАДБИРЛАРИ ЎТКАЗИЛДИ

Chop etildi: 06.07.2020

Kategoriyalar: Yangiliklar,Yurtimiz yangiliklari

Сирдарёда қорамолларни сунъий уруғлантириш ва турли касалликларга қарши эмлаш тадбирлари ўтказилди

Сирдарё вилоят ветеринария ва чорвачиликни ривожлантириш бошқармаси мутахассилари томонидан вилоят худудида эпиоозитияга қарши кураш тадбирлари ташкил этилмоқда. Хусусан, ўтган ҳафта давомида худуддаги 195 бош йирик шохли ҳайвон куйдирги касаллигига, 427 бош йирик шохли ҳайвон нодуляр дерматит касаллигига, 138 бош ит-мушук қутуриш касаллигига, 1893 бош майда шохли ҳайвон бурцеллёз касаллигига, 485 бош йирик шохли ҳайвон эса оқсил касаллигига қарши профилактик эмланди.

Бундан ташқари, туман ва шаҳарлар худудидаги чорва моллари сақланадиган бинолар, шу жумладан 411 та обектларда Қрим-Конго геморрагик иситма касаллигига қарши дезинфекция ва дезинсекция ишлари олиб борилди.

Шунингдек, вилоятнинг Ховос тумани “Энергия насл чорва” фермер хўжалигидаги 30 бош қора молга бирка тақилди. Наслли қорамоллар бош сони ва сифатини яхшилаш мақсадида вилоятнинг Боёвут туманидаги “Бахтинур чорва” фермер хўжалигига Украина давлатидан 59 бош наслли қорамол олиб келинди.

Шу билан бирга вилоят худудий “Чорванасл” маркази ходимлари томонидан аҳоли қарамоғидаги қорамолларни сунъий уруғлантириш ишлари олиб борилмоқда.

Ветеринария ва чорвачиликни ривожлантириш
Давлат қўмитаси Ахборот хизмати

БУГУН ТУҒИЛГАН КУН

Chop etildi: 04.07.2020

Kategoriyalar: Markaz yangiliklari,Yangiliklar

Республика ҳайвонлар касалликлари ташхиси ва озиқ-овқат маҳсулотлари хавфсизлиги Давлат маркази умумий бўлим ходими Гулмира Тангярикова 1986-йил 04-июльда Самарқанд вилоятининг Қўшработ туманида таваллуд топган.

“Бугун туғилган кун” деб номланган ушбу лойиҳада республикамиз ташхис марказларида фаолият олиб бораётган, соҳа ривожига ўзининг беминнат ҳиссасини қўшиб келаётган инсонларнинг туғилган кунлари эсга олинади.

Ажойиб бахт, абадий ёшлик ва гўзаллик, чексиз қувонч, мехр-оқибат, кўтаринки кайфият хамрох бўлишини, соғлик-саломатлик, доимий фаоллик ва изчиллик, толеингиз баланд ва мисли кўрилмаган ижобий натижаларга еришиш бахти насиб етишини, хаётингиз бахтли лахзаларга ва такрорланмас ажойиб хаяжонли дақиқаларга тўла бўлшини тилаймиз.

 

 

           Республика ҳайвонлар касалликлари ташхиси

ва озиқ-овқат маҳсулотлари хавфсизлиги Давлат маркази

ЎЗБЕКИСТОН РЕСПУБЛИКАСИДА ЧОРВАЧИЛИК СОҲАСИНИ РИВОЖЛАНТИРИШНИНГ 2021-2030 ЙИЛЛАРГА МЎЛЖАЛЛАНГАН СТРАТЕГИЯСИ ИШЛАБ ЧИҚИЛМОҚДА

Ўзбекистон Республикасида чорвачилик соҳасини ривожлантиришнинг 2021-2030 йилларга мўлжалланган стратегияси ишлаб чиқилмоқда

Ветеринария ва чорвачиликни ривожлантириш давлат қўмитасида 2021-2030 йилгача бўлган давр мобайнида чорвачиликни барқарор ривожлантиришга мўлжалланган стратегия тақдимоти бўлиб ўтди.

Унда қўмита раиси ва раис ўринбосарлари, қўмита масъул ходимлари ҳамда консалтинг компаниялар экспертлари иштирок этди.

Тадбирда Ўзбекистон Республикасида чорвачилик соҳасини ривожлантиришни 2021-2030 йилларга мўлжалланган стратегияси бўйича музокаралар олиб борилди.

Унда Республикада чорвачилик ва унинг тармоқларини барқарор ривожлантириш, озиқ-овқат маҳсулотлари ишлаб чиқариш ҳамжларини янада ошириш, аҳолини чорвачилик маҳсулотлари билан узлуксиз таъминлаш, жаҳон тажрибалари асосида тармоқларни ислоҳ қилиш ҳамда янги босқичга олиб чиқиш бўйича фикрлар илгари сурилди.

Ўзбекистон Республикасининг чорвачилик соҳасини ривожлантириш стратегияси халқаро стандартларга мос равишда илғор хорижий тажрибалар, халқаро ташкилотлар экспертларининг фикр-мулоҳазалари ўрганилган ҳолда ишлаб чиқилаётгани такидлаб ўтилди.

Мамлакатда аҳоли сонининг ўсиб бориши, уларни чорвачилик маҳсулотларига бўлган талабининг бугунги кундаги кўрсаткичлари таҳлил қилиниб, стратегиянинг асосий мақсад ва вазифалари белгиланди.

Шунингдек, республика аҳолисини чорвачилик маҳсулотлари билан барқарор таъминлаш;

чорвачилик ва унинг тармоқларида маҳсулот ишлаб чиқариш ҳажмларини кўпайтириш, маҳсулот сифатини янада яхшилаш ва халқаро миқёсда рақобатбардошлигини ошириш;

соҳада давлат бошқаруви тизимини ислоҳ қилиш ва ривожлантириш;

тармоққа илм-фан, рақамли ахборотлар тизимларини кенг жорий этиш каби муҳим йўналишларга алоҳида эътибор қаратилди.

Бундан ташқари, мақсад ва вазифалардан келиб чиқиб, Республикадаги паст рентабелли фермер хўжаликларининг инфратузилмасини қайта кўриб чиқилиши, яйлов ерлардан фойдаланиш самарадорлигини ошириш, озуқа етиштириш, қорамоллар зотини яхшилаш, оилавий кооперациялар ва класстер тизимларини янада такомиллаштириш каби вазифалар долзарблиги қайд этилди.

Ветеринария ва чорвачиликни ривожлантириш
Давлат қўмитаси Ахборот хизмати

ҚЎМИТА АХБОРОТ ХИЗМАТИНИНГ “ЎЗБЕКИСТОН 24” РАДИОКАНАЛИ БИЛАН ИЖОДИЙ ҲАМКОРЛИГИ ДАВОМ ЭТАДИ

Chop etildi: 02.07.2020

Kategoriyalar: Yangiliklar,Yurtimiz yangiliklari

Қўмита ахборот хизматининг “Ўзбекистон 24” радиоканали билан ижодий ҳамкорлиги давом этади

  • Радиоканалнинг “Агроолам” дастурида Ветеринария ва чорвачиликни ривожлантириш давлат қўмитаси ҳузуридаги Наслли қуён етиштирувчилар ассоциацияси раиси Элмурод Ортиқов ва қуёнчилик билан шуғулланувчи тадбиркор Мансурбек Зайнобиддиновлар билан суҳбат уюштирилди.

“Агроолам” дастурининг галдаги сонида мамлакатимизда қуёнчиликни ривожлантириш, парваришлаш, зотдор қуёнлар етиштириш, сақлаш жойларини тўғри танлаш ҳамда озиқлантириш усуллари тўғрисида фикр юритилди.

Ветеринария ва чорвачиликни ривожлантириш давлат қўмитаси ҳузуридаги Наслли қуён етиштирувчилар ассоциацияси раиси Элмурод Ортиқов ва тадбиркор Мансурбек Зайнобиддиновлар журналист ва тингловчиларнинг мавзу доирасидаги барча саволларига батафсил жавоб беришди.

 

Ветеринария ва чорвачиликни ривожлантириш
Давлат қўмитаси Ахборот хизмати

Республика ҳайвонлар касалликлари ташхиси ва озиқ-овқат маҳсулотлари хавфсизлиги Давлат маркази Серология ва биохимия лабораторияси фаолияти

Chop etildi: 02.07.2020

Kategoriyalar: Markaz yangiliklari,Yangiliklar,Yurtimiz yangiliklari

Ўзбекистон Республикаси Вазирлар Махкамасининг Тадбиркорлик субьектлари томонидан аҳолимизнинг истеъмоли учун етказиб берилаётган гўшт ва гўшт маҳсулотларининг сифати, хавфсизлигини таъминлаш мақсадида автоматлаштирилган воситалар билан жихозланган чорва молларини сўйишга ихтисослаштирилган кушхоналар фаолиятини тартибга солиш ва такомилаштириш мақсадида 2019-йилнинг 8-май ойида №-386 сонли қарори, 2019-2024-йилларда мамлакатда озиқ-овқат хавфсизлигини таъминлаш Миллий дастурнинг 3-боб е-бандида кўрсатилган “Озиқ-овқат маҳсулотлари хавфсизлигини давлат томонидан тартибга солиш ва назорат қилиш сохасида озиқ-овқат ва қишлоқ хўжалиги маҳсулотлари санитария ва гигиена қоидаларига роия қилиши устидан давлат санитария эпидемиология назорати ва ветеринария хизматлари ролини кучайтириш ҳамда назорат қилишни такомиллаштириш ” каби қарор ва дастурларда берилган вазифаларни бажариш бўйича Pеспублика ҳайвонлар касалликлари ташхиси ва озиқ-овқат маҳсулотлари хавфсизлиги Давлат маркази “серология ва биохимия” лабораториясида бир қатор ишлар  амалга оширилиб келинмоқда.

Қарор ва дастурларда белгилаб берилган вазифаларни серология ва биохимия лабораторияси меёрий хужатлар асосида амалга оширади.

Чорва наслли моллардан келтирилган қон намуналарини биокимиявий таҳлиллар яъни қондаги гемоглобин, эритроцит, лекоцитларнинг миқдори, каратин, умумий оқсил, ишқорий захиралар аниқланади.

Ахолини хавфсиз, зарарсиз гўшт ва сут маҳсулотлари билан таъминлаш мақсадида фермер хўжаликлари, аҳоли ва қушхоналардан келтирилаётган намуналар белгиланган тартибда экспертиза хулосалари берилмоқда. 

         

           Республика ҳайвонлар касалликлари ташхиси

ва озиқ-овқат маҳсулотлари хавфсизлиги Давлат маркази

“ЯНГИ ЎЗБЕКИСТОН” ГАЗЕТАСИНИНГ 120-СОНИДА ЎҚИНГ!

Chop etildi: 01.07.2020

Kategoriyalar: tanlangan sahifa,Yangiliklar,Yurtimiz yangiliklari

“Янги Ўзбекистон” газетасининг 120-сонида ўқинг!

“Янги Ўзбекистон” газетасининг жорий йил 1 июль сонида “Чорвачилик” рукни остида “Жунни қайта ишлайдиган йирик кластер вужудга келади” номли мақола чоп этилди.

Унда Ўзбекистон Республикаси Президентининг 2019 йил 28 мартдаги “Ўзбекистон Республикаси Ветеринария ва чорвачиликни ривожлантириш давлат қўмитаси фаолиятини ташкил этиш чора-тадбирлари тўғрисида”ги ПҚ-4254-сон Қарори ижросини таъминлаш мақсадида худудларда амалга оширилаётган лойиҳалар хусусида фикр юритилган.

Жумладан, Наманган вилоятида жун етиштиришга ихтисослашган кластер фаолияти тўғрисида батафсил ёритилган.

Поп туманидаги “Асадбек Чоркесар” фермер хўжалигида парвариш қилинаётган ангор зотли эчкилар, Қирғизистон Республикасидан олиб келинган 2000 бош наслли ангор зотли эчки, 400 бош ҳисори зотли қўйларни озиқлантириш жараёнлари ҳақидаги мулоҳазалар ўрин олган.

Ветеринария ва чорвачиликни ривожлантириш
Давлат қўмитаси Ахборот хизмати

БУГУН ТУҒИЛГАН КУН

Chop etildi: 01.07.2020

Kategoriyalar: Yangiliklar,Yurtimiz yangiliklari

Бугун туғилган кун

Сурхондарё вилоят ҳайвонлар касалликлари ташхиси ва озиқ-овқат маҳсулотлари хавфсизлиги Давлат маркази директори Абдижаббор Кенжаев 1961 йил 1 июльда Сурхондарё вилоятининг Шеробод туманида таваллуд топган.

1989 йилда Самарқанд қишлоқ хўжалик институти (ҳозирги Самарқанд ветеринария медицинаси институти)ни тамомлаган.

У ўз фаолиятини Термиз шаҳар Давлат ветеринария бўлими бошлиғи лавозимидан бошлаган.

Абдижаббор Кенжаев, шунингдек ветеринария лабораторияларида ҳамда эпизоотияга қарши кураш бўйича кўплаб лавозимларда фаолият юритган.

Ҳозирда Сурхондарё вилоят Ҳайвонлар касалликлари ташхиси ва озиқ-овқат маҳсулотлари хавфсизлиги Давлат маркази директори сифатида фаолият олиб бормоқда.

PS: Расмий сайтимизда ташкил этилган “Бугун туғилган кун” деб номланган лойиҳада ветеринария ва чорвачилик соҳаларида фаолият олиб бораётган, соҳа ривожига ўзининг беминнат ҳиссасини қўшиб келаётган инсонларнинг туғилган кунлари эсга олинади.

Ветеринария ва чорвачиликни ривожлантириш
Давлат қўмитаси Ахборот хизмати