• Mobil versiya
  • Bog'lanish
Generic selectors
Exact matches only
Search in title
Search in content
Search in posts
Search in pages

ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИ РАИСИ БАҲРОМ НОРҚОБИЛОВНИНГ “ЁШЛАР КУНИ” МУНОСАБАТИ БИЛАН БАЙРАМ ТАБРИГИ

Chop etildi: 30.06.2020

Kategoriyalar: Yangiliklar,Yurtimiz yangiliklari

ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИ РАИСИ БАҲРОМ НОРҚОБИЛОВНИНГ “ЁШЛАР КУНИ” МУНОСАБАТИ  БИЛАН БАЙРАМ ТАБРИГИ

Бугунги кунда мамлакатимиз ҳаётида, айниқса янги ижтимоий-сиёсий, иқтисодий ислоҳотларни амалга оширишда шижоатли, изланувчан ёшларимизнинг ўрни тобора ортиб бормоқда.

Ҳозирда барча соҳа ва тармоқларда минглаб ёшларимиз садоқат ва фидойилик билан хизмат қилмоқда.

Самарқанд ветеринария медицинаси институтида ветеринария соҳасида турли илмий ишланмалар ва рационализаторлик фаолияти билан шуғулланаётган талабалар ёки Чорвачилик ва паррандачилик илмий-тадқиқот институтида изланишлар олиб бораётган ёш олимларимизни кўрганда ёки уларнинг илмий ихтиролари ҳақида эшитганда ҳар қандай юртдошимиз фахрланиши аниқ.

Боиси, ёшларнинг эзгулик йўлидаги чинакам ҳаракати ёши катталарга далда бериши, юртимиз келажагини ёрқин тасаввур этишларига ишонч бағишлаши бор гап.

Чуқур замонавий билимларга эга бўлган ёшларни камол топтириш, ветеринария ва чорвачилик соҳасига етук кадрларни жалб этишни ҳозирги кунда даврнинг ўзи тақозо этади.

Айниқса, ветеринария ва чорвачилик соҳасида ҳам фаолият юритаётган, шу билан бир қаторда таълим олаётган ёшларимиз сафи ортиб бормоқда.

Азиз ёшлар!

Фурсатдан фойдаланиб, барчангизни бугунги қутлуғ байрам – “Ёшлар куни” билан самимий қутлайман. Сизларга ўзимнинг чуқур меҳрим ва эзгу тилакларимни билдиришдан ғоят мамнунман.

Азиз ўғил-қизларим, ҳеч қачон унутманг, халқимиз, Ватанимиз сизлардан буюк ишларни кутмоқда!

НАВОИЙЛИК ОСЕМЕНАТОРЛАРГА ЯНГИ “DAMAS” ХИЗМАТ АВТОМАШИНАЛАРИ ТОПШИРИЛДИ

Chop etildi: 29.06.2020

Kategoriyalar: Yangiliklar,Yurtimiz yangiliklari

Навоийлик осеменаторларга янги “Damas” хизмат автомашиналари топширилди

Ветеринария соҳаси ва чорвачиликнинг барча тармоқлари ривожлантириш, наслчилик-селекция ишларини мувофиқлаштириш бўйича кўплаб тизимли ишлар олиб борилмоқда.

Хусусан, Навоий вилоятида наслчилик-селекция ишларини самарали ташкил этиш, унинг илмий асосланган инновацион услубларини жорий этиш мақсадида бирқатор тадбирлар амалга оширилмоқда.

Вилоят ҳудудидаги мавжуд 58 та сунъий уруғлантириш пунктлари зарур жиҳозлар ва асбоб-ускуналар билан таъминланган.

Бундан ташқари вилоят ҳудудидаги 76 та ветеринария участкаларида ҳам қорамолларни сунъий уруғлантириш ишлари йўлга қўйилган. Жорий йил бошидан буён шу кунга қадар вилоят худуди бўйича 44651 бош, июнь ойида эса 10387 бош сигир ва қочириш ёшидаги таналар сунъий уруғлантирилди.

Яқинда вилоятнинг чекка худудлар аҳолиси қарамоғидаги қорамолларни сунъий уруғлантириш, техник-осеменаторлар иш кўламини кенгайтириш ва сифатини янада ошириш мақсадида вилоят “Чорванасл” марказининг 8 та туман вакилликларига махсус жиҳозланган “Damas” хизмат автомашиналари топширилди.

Ушбу махсус транспорт воситалари қорамолларни сунъий уруғлантириш, мавжуд наслли буқалар уруғларини сақлаш учун барча зарурий асбоб-ускуналар билан жиҳозланган ва бу ўз навбатида вилоят худудида қорамолларни сунъий уруғлантириш орқали уларнинг зотини яхшилаш ишларини янада ривожлантиришга хизмат қилади.

Ветеринария ва чорвачиликни ривожлантириш
Давлат қўмитаси Ахборот хизмати

БУГУН ТУҒИЛГАН КУН

Chop etildi: 27.06.2020

Kategoriyalar: Markaz yangiliklari,Yangiliklar,Yurtimiz yangiliklari

Бугун туғилган кун

Республика ҳайвонлар касалликлари ташхиси ва озиқ-овқат маҳсулотлари хавфсизлиги Давлат маркази директорининг биринчи ўринбосари Нодира Каримова 1978 йил 27 июнда Самарқанд шаҳрида таваллуд топган.

1999 йилда Самарқанд қишлоқ хўжалик институти (ҳозирги Самарқанд ветеринария медицинаси институти)ни ветеринария врачи йўналиши бўйича тамомлаган.

У дастлаб ўз фаолиятини 1999 йилда “АОЗТ Дониёр” акциядорлик жамиятида лаборатория ходими сифатида бошлаган.

Нодира Каримова, шунингдек ҳайвонлар касалликлари ташхиси бўйича ветеринария лабораторияларида кўплаб лавозимларида фаолият юритган.

Ҳозирда Республика ҳайвонлар касалликлари ташхиси ва озиқ-овқат маҳсулотлари хавфсизлиги Давлат маркази директорининг биринчи ўринбосари лавозимида фаолият олиб бормоқда.

 

 

Республика ҳайвонлар касалликлари ташхиси ва

озиқ-овқат маҳсулотлари хавфсизлиги

Давлат маркази Ахборот хизмати

ЎЗБЕКИСТОН РЕСПУБЛИКАСИ ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИ РАИСИНИНГ БАЙРАМ ТАБРИГИ!

Chop etildi: 26.06.2020

Kategoriyalar: Yangiliklar,Yurtimiz yangiliklari

Ўзбекистон Республикаси Ветеринария ва чорвачиликни ривожлантириш давлат қўмитаси Раисининг байрам табриги!

Назаримизда, жамиятда қалами ўткир журналист, теран фикрловчи ижодкорнинг функционал хизмати ҳеч қайси бир соҳа ходимининг келтирадиган нафидан кам бўлмайди. Соддароқ қилиб айтсак, ижодкорнинг жамиятга хизмати, бу ўринда чин ватанпарварлик позицияси одамлар ҳаётида муҳим аҳамият касб этади. 

Образли қилиб таърифлаганда, ижодкорнинг ҳар бир сўзи жамиятда бонг урувчи муҳим қўнғироқдир!

Бугун мамлакатимизда очиқ ва ошкоралик, шаффофлик, давлат ташкилотларининг халқ манфаатлари учун хизмат қилишидек муҳим тамойил ҳаётнинг ҳар жабҳасида намоён бўлаётган паллада оммавий ахборот воситалари ходимларининг меҳнатлари натижасини барчамиз кўриб, гувоҳи бўлиб турибмиз.

Оммавий ахборот воситаларида кўтарилаётган ҳар бир муаммо ва камчиликлар тегишли идоралар томонидан ўрганилиши, ҳал этилиши каби жараёнларга кўникканимиз ва бу жараён барча соҳаларга наф келтираётгани халқни рози қилишдек улкан мақсадимизнинг амалиётга жорий этилаётгани далолатидир.

Президентимизнинг 2019 йил 27 июндаги “Оммавий ахборот воситалари мустақиллигини таъминлаш ҳамда давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида”ги қарори асосида давлат ташкилотларида ахборот хизматлари ташкил этилди.

Бу бежизга эмас. Мазкур қарор негизида давлат ташкилотларининг оммавий ахборот воситалари билан яқинлигини таъминлаш, шу орқали аҳолининг соҳалар бўйича ахборотга бўлган талабини қондириш, шунингдек, турли ахборот хуружларига давлат идораларининг муносиб жавоб бериши учун имкон яратишдек мақсадлар ётибди.

Шу маънода Ветеринария ва чорвачиликни ривожлантириш давлат қўмитаси барча оммавий ахборот воситалари билан кенг кўламли ҳамкорликни йўлга қўйганини таъкидлаб, таъбир жоиз бўлса, турли ахборот курашларида журналистларнинг ветеринар ва чорвадорларга кўмакка келганини, аҳоли орасидаги баъзи англашилмовчиликларни ҳал этишда тарғибот-ташвиқот ишлари олиб борганини алоҳида миннатдорлик билан эътироф этамиз.

Фурсатдан фойдаланиб, юртимизда фаолият олиб бораётган соҳа ходимларини касб байрами билан табриклаймиз.

Баҳром НОРҚОБИЛОВ,

Ветеринария ва чорвачиликни
ривожлантириш давлат қўмитаси раиси.

“ЎЗБЕКИСТОН 24” РАДИОКАНАЛИНИНГ “АГРООЛАМ” ДАСТУРИДА ЧОРВАЧИЛИКНИ ИНТЕНСИВ УСУЛДА РИВОЖЛАНТИРИШ БЎЙИЧА СУХБАТ ОЛИБ БОРИЛДИ

Chop etildi: 24.06.2020

Kategoriyalar: Yangiliklar,Yurtimiz yangiliklari

“Ўзбекистон 24” радиоканалининг “Агроолам” дастурида чорвачиликни интенсив усулда ривожлантириш бўйича сухбат олиб борилди

Ҳозирги кунда юртимизда чорвачиликни ривожлантириш орқали тадбиркорликни йўлга қўйишга устувор аҳамият қаратилмоқда.

Жумладан, чорвачиликни интенсив усулда ривожлантириш орқали истеъмол бозорларини гўшт ва сут маҳсулотлари билан узлуксиз таъминлаш бугунги куннинг асосий талаби ҳисобланади.

“Ўзбекистон 24” радиоканали “Агроолам” дастурининг навбатдаги сонида чорвачиликни интенсив усулда ривожлантириш, аҳоли дастурхонларига арзон ва сифатли чорвачилик маҳсулотлари етказиб бериш бўйича худудларда олиб борилаётган амалий ишлар атрофлича муҳокама қилинди.

Радиоинтервьюда Ветеринария ва чорвачиликни ривожлантириш давлат қўмитаси ҳузуридаги “Ўзбекчорванасл” агентлиги мутахассиси Наргиза Омонбоева ҳамда Бухоро вилояти “Чорванасл” маркази раҳбари Носиржон Раҳматовлар иштирок этишди.

Ветеринария ва чорвачиликни ривожлантириш
Давлат қўмитаси Ахборот хизмати

АНДИЖОН ВИЛОЯТ ҲАЙВОНЛАР КАСАЛЛИКЛАРИ ТАШХИСИ ВА ОЗИҚ-ОВҚАТ МАҲСУЛОТЛАРИ ХАВФСИЗЛИГИ ДАВЛАТ МАРКАЗИ ТОМОНИДАН ИСТЕЪМОЛГА ЯРОҚСИЗ МАҲСУЛОТЛАР УТИЛИЗАЦИЯ ҚИЛИНДИ

Chop etildi: 23.06.2020

Kategoriyalar: Yangiliklar,Yurtimiz yangiliklari

Андижон вилоят ҳайвонлар касалликлари ташхиси ва озиқ-овқат маҳсулотлари хавфсизлиги давлат маркази томонидан истеъмолга яроқсиз маҳсулотлар утилизация қилинди

Бугунги ёзнинг иссик кунларида ҳам аҳолига хавфсиз ва сифатли озиқ-овқат маҳсулотларини етказиб бериш долзарб масалалардан ҳисобланади.

Шу мақсадда Андижон вилоят ҳайвонлар касалликлари ташхиси ва озиқ-овқат маҳсулотлари хавфсизлиги давлат марказлари томонидан қатор тизимли ишлар олиб борилмокда.

Ҳозирги кунда вилоят бўйича фаолият юритаётган 20 та ветеринария лабораториялари мутахассислари аҳоли дастурхонларига сифатли маҳсулотлар етказиб беришда жонбозлик кўрсатишмоқда.

Хусусан, ветеринария-санитария экспертиза лабораториялари томонидан бир ҳафта мобайнида 94,7 тонна гўшт ва гўшт маҳсулотлари, 15,3 тонна сут ва сут маҳсулотлари, 944,4 тонна ўсимлик маҳсулотлари, 151,5 тонна полиз маҳсулотлари, 0,3 тонна асал маҳсулотлари ва 614086 дона тухум маҳсулотлари ветеринария-санитария кўригидан ўтказилган ва сотишга рухсат этилиб, савдо расталарига йўналтирилган.

Шунингдек 40 кг гўшт маҳсулотлари, 129 кг ўсимлик, 20 кг сут маҳсулотлари ва 784 дона тухум маҳсулотлари истеъмолга яроқсиз деб топилиб, белгиланган тартибда утилизация қилинди.

2020-2021 ЎҚУВ ЙИЛИ УЧУН САМАРҚАНД ВЕТЕРИНАРИЯ МЕДИЦИНАСИ ИНСТИТУТИГА ХУЖЖАТ ТОПШИРИШ ЙЎНАЛИШЛАРИ БЕЛГИЛАНДИ

Chop etildi: 20.06.2020

Kategoriyalar: Yangiliklar,Yurtimiz yangiliklari

2020-2021 ўқув йили учун Самарқанд ветеринария медицинаси институтига хужжат топшириш йўналишлари белгиланди

Қўмитанинг Самарқанд ветеринария медицинаси институтига хужжат топшириш учун қатор йўналишлар белгиланди.

2020-2021 ўқув йили учун Самарқанд ветеринария медицинаси институти бакалавриатининг кундузги таълим шакли бўйича қуйидаги йўналишларда абитуриентларни ўқишга қабул қилади:

  • Иқтисодиёт (қишлоқ хўжалигида);
  • Бухгалтерия ҳисоби ва аудит (қишлоқ хўжалигида);
  • Технологик жараёнлар ва ишлаб чиқаришни автоматлаштириш ва бошқариш (қишлоқ хўжалигида);
  • Биотехнология (тармоқлар бўйича);
  • Агрономия (ем-ҳашак экинлари);
  • Зооинженерия (турлари бўйича);
  • Ўсимликшунослик (яйлов-чўл ўсимликшунослиги);
  • Чорвачилик маҳсулотларини қайта ишлаш технологияси;
  • Ветеринария медицинаси (фаолият турлари бўйича);
  • Ветеринария фармацевтикаси;
  • Ветеринария диагностикаси ва лаборатория ишлари;
  • Ветеринария-санитария экспертизаси;

Сиртқи таълим шакли бўйича:

  • Агрономия (ем-хашак экинлари);
  • Зооинженерия (турлари бўйича);
  • Ўсимликшунослик (яйлов чўл ўсимликшунослиги);
  • Ветеринария медицинаси (фаолият турлари бўйича);
  • Ветеринария фармацевтикаси;
  • Ветеринария диагностикаси ва лаборатория ишлари;
  • Ветеринария санитария экспертизаси;

Институтнинг магистратура босқичига қуйидаги йўналишларда:

  • Биотехнология (маҳсулот тури бўйича);
  • Паррандачилик;
  • Қоракўл қўйлари селекцияси;
  • Қишлоқ хўжалик ҳайвонларини урчитиш, кўпайтириш ва уларнинг селекцияси (ҳайвонот турлари бўйича);
  • Чорвачилик;
  • Чорвачилик маҳсулотларини етиштириш, сақлаш ва қайта ишлашнинг анъанавий ҳамда инновацион технологияси ва сертификацияси;
  • Қоракўлчилик маҳсулотларини ишлаб чиқариш ва қайта ишлаш;
  • Ҳайвонларга ташхис қўйиш ва даволаш;
  • Ветеринария жарроҳлиги;
  • Ветеринария фармакологияси ва токсикологияси;
  • Ветеринария санитарияси, ветеринар-санитарлик экспертизаси ва чорвачилик маҳсулотларини қайта ишлаш гигиенаси;
  • Ветеринария микробиологияси, вирусологияси, эпизоотологияси, микологияси ва иммунологияси;
  • Ҳайвонларнинг паразитли ва юқумли касалликлари;
  • Фавқулотда вазиятларда ветеринария назорати ва жамоат соғлиғини сақлаш;

Жорий ўқув йилида Самарқанд ветеринария медицинаси институтига кундузги таълим шакли бўйича Нукус ва Тошкент филиаллари билан биргаликда жами 1975 нафар талаба, сиртқи таълим шакли бўйича Тошкент филиали билан биргаликда 475 нафар талаба, шунингдек, институтнинг магистратура босқичига эса 72 нафар талаба ўқишга қабул қилинади.

Маълумот учун: Бу йили институтда 3 та янги таълим йўналиши, хусусан Иқтисодиёт (қишлоқ хўжалигида), Бухгалтерия ҳисоби ва аудит (қишлоқ хўжалигида), Технологик жараёнлар, ишлаб чиқаришни автоматлаштириш ва бошқариш (қишлоқ хўжалигида) ташкил этилди.

Самарқанд ветеринария медицинаси институти 

Ахборот хизмати

ОСИЁ ТАРАҚҚИЁТ БАНКИ ВАКИЛЛАРИ ҚОРАҚАЛПОҒИСТОН ЧОРВАЧИЛИГИ БИЛАН ТАНИШДИ

Chop etildi: 19.06.2020

Kategoriyalar: Yangiliklar,Yurtimiz yangiliklari

Осиё Тараққиёт Банки вакиллари Қорақалпоғистон  чорвачилиги билан танишди

Осиё Тараққиёт Банки вакиллари Самарқанд ветеринария медицинаси институти Нукус филиалига ташриф буюрди.

Ташриф давомида “Чорвачилик тармоғида қўшилган қийматни яратиш занжирини ривожлантириш” лойиҳасига бағишланган давра суҳбати бўлиб ўтди.

Унда чорвачилик маҳсулотлари ишлаб чиқариш ва қайта ишлаш соҳасида илғор хорижий технологияларни фаол жорий этиш борасида амалга оширилаётган ишлар муҳокама қилинди.

Учрашувда лойиҳа координатори Лилина Син ҳамда экспертлар гуруҳи ва ўқув дастури раҳбари Елена Кан томонидан лойиҳа ҳақидаги маълумотлар ҳам тақдим этилди.

Шунингдек, филиал директори ўринбосари, қишлоқ хўжалик фанлари доктори, профессор Рўзимбай Турганбаев бошчилигида Осиё Тараққиёт Банки вакиллари билан Бўзатов туманига ҳам ташриф амалга оширилди.

Унда туман ҳокими Маҳмуд Қайпанов билан ветеринария ва чорвачилик соҳаси бўйича худудда амалга оширилаётган ишлар, янги лойиҳалар муҳокама қилинди.

Сўнгра чорвачилик фермер хўжаликлари иш фаолиятлари, уларга яратилган шарт-шароитлар ўрганилди.

Хорижий экспертлар томонидан фермерлар учун эчкичилик ҳамда силос ва сенаж тайёрлаш технологияси бўйича янги таклифлар билдирилди.

Самарқанд ветеринария медицинаси институти
Нукус филиали Ахборот хизмати

“ЎЗБЕКИСТОН 24” РАДИОКАНАЛИНИНГ “АГРООЛАМ” ДАСТУРИ: ПАРРАНДАЧИЛИК, ХУСУСАН ТУЯҚУШЧИЛИКНИНГ АФЗАЛ ЖИҲАТЛАРИ

Chop etildi: 18.06.2020

Kategoriyalar: Yangiliklar,Yurtimiz yangiliklari

“Ўзбекистон 24” радиоканалининг “Агроолам” дастури: Паррандачилик, хусусан туяқушчиликнинг афзал жиҳатлари

“Ўзбекистон 24” радиоканали “Агроолам” дастурининг галдаги сонида “Паррандасаноат” уюшмаси бошқарма бошлиғи Ҳакимжон Нормуҳаммедов билан интервью уюштирилди.

Радиоинтервьюда соха мутахассиси бугунги кунда паррандачилик, хусусан туяқушларни парвариш қилиш орқали тадбиркорлик билан шуғулланиш ва ундан даромад орттириш, туяқушнинг турлари ва ўзига хос табиий шароитга мослашиш хусусиятлари борасидаги фикрлари билан ўртоқлашди.

Шунингдек, радиомулоқот давомида туяқушларни сақлаш, озиқлантириш ва парвариш қилишда эътибор қаратилиши лозим бўлган муҳим жиҳатларга тўхталиб ўтилди.

Мавзуга оид барча саволларга мутахассис томонидан батафсил жавоб берилди.

Ветеринария ва чорвачиликни ривожлантириш
Давлат қўмитаси Ахборот хизмати

“ЯНГИ ЎЗБЕКИСТОН” ГАЗЕТАСИНИНГ 97-СОНИДА ЎҚИНГ!

Chop etildi: 17.06.2020

Kategoriyalar: Yangiliklar,Yurtimiz yangiliklari

“Янги Ўзбекистон” газетасининг 97-сонида ўқинг!

“Янги Ўзбекистон” газетасининг 97-сонида “Чорвачилик” рукни остида “Сермаҳсул соҳа имкониятлари” номли тахлилий мақола чоп этилди.

Ушбу мақолада Тошкент вилоятида чорвачилик соҳаси ривожлантириш бўйича олиб борилаётган ислоҳотлар, ишга туширилаётган ва режалаштирилаётган янги лойиҳалар хусусидаги мулоҳазалар ўрин олган.

Мақолада мавжуд ер майдонларидан самарали фойдаланишни ташкил этиш орқали соҳани янада ривожлантириш, озиқ-овқат маҳсулотлари ишлаб чиқариш хажмини ошириш ва замонавий чорвачилик комплексларини ташкил этиш масалаларига ҳам тўхталиб ўтилган.

Мақолада, шунингдек Ўзбекистон Республикаси Президентининг 2019 йил 28 мартдаги “Ўзбекистон Республикаси Ветеринария ва чорвачиликни ривожлантириш давлат қўмитаси фаолиятини ташкил этиш чора-тадбирлари тўғрисида”ги ПҚ-4254-сон Қарори ижросини таъминлаш мақсадида амалга оширилаётган муҳим ўзгаришлар борасида фикр юритилган.

Ветеринария ва чорвачиликни ривожлантириш
Давлат қўмитаси Ахборот хизмати