• Mobil versiya
  • Bog'lanish
Generic selectors
Exact matches only
Search in title
Search in content
Search in posts
Search in pages

ПРЕЗИДЕНТ КОРОНАВИРУС БИЛАН БОҒЛИҚ ВАЗИЯТ БЎЙИЧА ХАЛҚҚА МУРОЖААТ ҚИЛДИ

Chop etildi: 18.03.2020

Kategoriyalar: tanlangan sahifa,Yangiliklar,Yurtimiz yangiliklari

Ўзбекистон Республикаси Президенти Шавкат Мирзиёев 18 март куни маҳалла ва оила масалаларига бағишланган видеоселектор йиғилишининг бошида коронавирус муаммосига тўхталиб ўтди.

Бугунги кунга келиб ушбу хавфли инфекция 160 дан ортиқ мамлакатда тарқалди. Дунё миқёсида касалланганлар сони 190 минг нафарга етди, 7,5 минг ўлим ҳолати қайд этилди, 81 мингдан зиёд бемор тузалди. Эпидемия кенг ёйилиб кетгани сабабли Жаҳон соғлиқни сақлаш ташкилоти уни пандемия деб эълон қилди.

Минг афсуски, бу юқумли хасталик мамлакатимизни ҳам четлаб ўтмади. Бугунги кунда юртмизда унга чалинган беморлар сони 15 нафарга етди.

Бу вазият олдиндан тўғри баҳоланиб, Президентимиз топшириғига мувофиқ Республика махсус комиссияси тузилган эди. Шу боис Ўзбекистонга касалликнинг оммавий кириб келиши ва кенг тарқалишининг олди олинди.

ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИ ТОМОНИДАН COVID-19 КОРОНАВИРУС КАСАЛЛИГИНИ ТАРҚАЛИШИНИ ОЛДИНИ ОЛИШГА ҚАРАТИЛГАН ҚАТОР ПРОФИЛАКТИК ТАДБИРЛАР АМАЛГА ОШИРИЛМОҚДА

Chop etildi: 17.03.2020

Kategoriyalar: Foydali havolalar,tanlangan sahifa,Yangiliklar,Yurtimiz yangiliklari

Ветеринария ва чорвачиликни ривожлантириш Давлат қўмитаси томонидан COVID-19 коронавирус касаллигини тарқалишини олдини олишга қаратилган қатор профилактик тадбирлар амалга оширилмоқда

Коронавирус инфекциясининг қисқа фурсат ичида кўплаб давлатларга тарқалиши билан боғлиқ вазият жиддий тус олмоқда. Дунё жамоатчилигини хавотирга солаётган мазкур инфекция билан касалланганлар сони тобора ортиб бормоқда. Жаҳон соғлиқни сақлаш ташкилоти маълумотларига кўра, дунё бўйлаб инфекцияни юқтирганлар сони жорий йилнинг 17 март холатига 179 минг кишидан ошиб кетган.
Коронавирус касаллиги белгилари грипп ва бошқа ўткир респираторли инфекцияларга ўхшаб, тана ҳароратининг кўтарилиши, ҳолсизлик ва йўтал билан бошланади. Беморнинг ўпка, ошқозон аъзолари ва асаб тизими шикастланади. Касаллик бемордан соғлом одамга ҳаво-томчи йўли билан, маиший мулоқот йўли билан юқиши мумкин. Халқаро эпизоотик бюро (ХЭБ) Бош директорининг делегатларга юборган мурожаатида Жаҳон соғлиқни сақлаш ташкилоти (ЖССТ) томонидан касаллик тарқалганлиги эълон қилинган давлатларга вақтинча боришни чеклаш тавсия этилган.

РАСМИЙ БАЁНОТ: ЧОРВАЧИЛИК МАҲСУЛОТЛАРИ ТАҚЧИЛЛИГИ ЮЗАГА КЕЛМАЙДИ

Chop etildi: 17.03.2020

Kategoriyalar: tanlangan sahifa,Yangiliklar,Yurtimiz yangiliklari

РАСМИЙ БАЁНОТ: ЧОРВАЧИЛИК МАҲСУЛОТЛАРИ ТАҚЧИЛЛИГИ ЮЗАГА КЕЛМАЙДИ

Хабарингиз бор, жорий йилнинг 15 март куни мамлакатимизда COVID-19 коронавирус инфекциясига чалинган илк бемор аниқлангач, ижтимоий тармоқларда озиқ-овқат маҳсулотлари тақчиллиги бўйича турли асоссиз хабарлар пайдо бўлди.
Ветеринария ва чорвачиликни ривожлантириш давлат қўмитаси шуни маълум қиладики, юртимизда чорвачилик маҳсулотлари тақчиллиги юзага келмайди.
Боиси, мамлакатимизда жами 6,4 мингта чорвачилик субъекти мавжуд бўлиб, шундан 500 дан ортиғи гўшт етиштиришга, 2 мингдан ортиғи сут ва 4 мингга яқини гўшт-сут маҳсулотлари етиштиришга ихтисослашган. Айни пайтда мамлакатда 13 миллиондан ортиқ қорамол мавжуд бўлиб шундан 93 фоизи аҳоли ҳиссасига тўғри келади.
Бугунги кунда кунлик ўртача 7 минг тонна гўшт етиштирилиб, шундан 90 фоизи бозорларда сотилаётган бўлса, 10 фоизи қайта ишлашга йўналтирилмоқда. Шунингдек, кунлик 30,7 минг тонна сут соғиб олиниб 16 фоизи қайта ишланмоқда.
Мавжуд 1,2 мингдан ортиқ паррандачилик корхоналарида кунига 15 миллион донадан ортиқ тухум, 400 тоннадан ортиқ парранда гўшти етиштирилиб, 300-320 тонна парранда гўшти бозорларда сотилаётган бўлса, 80-100 тоннаси қайта ишлашга йўналтирилмоқда.
Эслатиб ўтамиз, 2020 йил 16 март ҳолатига кўра, республикада 5,4 минг тонна парранда гўшти захираси яратилган.
Бундан ташқари, кунига ўртача 363 тонна балиқ ва балиқ маҳсулотлари ҳамда 37 тоннадан зиёд асал етиштирилиб истеъмол учун чиқарилмоқда.
Таъкидлаш керакки, бугунги кунда мамлакатимизда мол гўштининг ўртача бозор баҳоси 38000 сўмдан 52000 сўмгача, қўй гўшти 39000 сўмдан 54000 сўмгача, товуқ гўшти 16000 сўмдан 20000 сўмгача, тухум 650 сўмдан 900 сўмгача, балиқ 11000 сўмдан 25000 сўмгача, асалнинг бир килоси эса ўртача 35000 сўмни ташкил этмоқда.
Чорвачилик, паррандачилик, балиқчилик, асаларичилик, қуёнчилик субъектларининг иш рентабеллиги ҳар доимги кўрсаткичларда бўлиб, ишлаб чиқариш қувватлари пасаймаганини алоҳида таъкидлаш лозим.

Ҳурматли юртдошлар!

Ветеринария ва чорвачиликни ривожлантириш давлат қўмитаси сизлардан чорвачилик маҳсулотлари тақчиллиги бўйича тарқатилган асоссиз хабарларга ишонмаслигингизни сўрайди.
Бу борада қўмита Ахборот хизмати томонидан ишончли маълумотлар етказиб турилади.

МАНБА; Ветеринария ва чорвачиликни ривожлантириш
Давлат қўмитаси Ахборот хизмати

Саломлашишни тавсия қилнади

Chop etildi: 16.03.2020

Kategoriyalar: Foydali havolalar

Бугунги кунда фақатгина Хитой давлати коронавирус ўсишини тўхтата олган ягона давлат хисобланиб турибди. Бунга сабаб эса хитой халқи Давлат томонидан белгиланган тартиб-интизомнинг тўғри тушунгани ва унга амал қилганлигидандир. Вирусни инсондан-инсонга ўтишига асосий сабаблардан бири – бу қўл бериб саломлашишдир. Хозирда коронавирус тарқалган давлатлар аҳолиси, хукумат аъзолари ва хаттоки давлат рахбарлари ҳам қўл билан аълоқа қилишни тўхтатишди. Ўзимизни касалликдан ҳимоялаш ва юртимизда вирусни тарқалишини олдини олиш мақсадида, токи бу касаллик мамлакатимизда буткул йўқ бўлиб кетмагунга қадар, қўл билан аълоқалашмасдан саломлашишни тавсия қилинади. Гарчи бу йўсинда саломлашиш одат тусига кирган бўлсада, аммо хозирги вазиятда касалликни йўқтирмаслик учун энг яхши усул саналади.

O`zingizni o`zingiz ASRANG !!!

Chop etildi: 15.03.2020

Kategoriyalar: Foydali havolalar,Yangiliklar,Yurtimiz yangiliklari

​​Koronavirus yuqmasligi uchun nimalar tavsiya qilinmoqda:

Koronaviruslar odatda nafas olish, oshqozon-ichak va nerv sistemasi organlarini zararlantiradi. Mutaxassislar ushbu virus yuqmasligi uchun quyidagilarni tavsiya qilishmoqda:

shaxsiy gigiyena qoidalariga amal qilish muhim hisoblanadi. Buning uchun qo’larni doimiy, har 1-2 soatda bir marta sovunlab yuvish, ko’chadan uyga kirganda, hojatdan keyin, ovqat tayyorlashdan avval, odamlar bilan ko’rishgandan keyin albatta yuvish kerak;
imkon qadar jamoat joylariga bormaslik;
ko’chaga chiqishdan avval og’iz va burunni to’suvchi tibbiyot niqoblaridan foydalanish;
doimiy ravishda har 15-20 minut oraliqda 50-55 gradus issiqlikdagi suv ichib turish;
faqat yangi tayyorlangan va issiq ovqatlarni iste’mol qilish;
yetarlicha uxlash, dam olish va jismoniy mashqlar bilan shug’ullanib turish.

Ushbu virusda odamlarga nimalar yordam bermaydi:

qo’lga turli qo’lqoplar kiyib yurish;
Sababi virus qo’ldan yuqmaydi, og’iz, burun, ko’z yoki umuman shilliq qavatlar orqali yuqadi. Qo’lga qo’lqop kiyish emas, aksincha uni doimiy yuvib turish kerak.
turli antibiotiklardan foydalanish;
Antibiotiklar viruslarni emas, aksincha bakteriyalarni o’ldiradi, ular viruslarga deyarli ta’sir qilmaydi.

Agar sizda kasallikning biror alomati kuzatilsa o’ylab o’tirmasdan darhol shifokorga murojaat qiling. Bunda og’iz burningizni niqob bilan to’sing, hech kim bilan gaplashmang, aksirganda yoki yo’talganda og’zingizni to’sing.

Koronavirus yuqqanini qanday bilish mumkin?

Bu borada Jahon sog’liqni saqlash tashkiloti (JSST) qo‘ydagi ma’lumotlar berdi.:point_down::point_down::point_down::point_down:

COVID-19 kasalligining o’ziga xos ajralib turadigan belgisi yo’q. U ba’zan hech qanday simptom hosil qilmasligi mumkin, lekin odatda shamollashga o’xshash belgilar bilan yuzaga keladi. Hozirgacha 156 mingdan ortiq virus yuqtirgan odamlarni kuzatib JSST kasallikning quyidagi belgilarini xabar beradi.
Belgi to’g’risidagi foiz – umumiy kasallanganlarning necha foizida shu belgi kuzatilganini bildiradi.

isitma – 87,9%
quruq yo’tal – 67,7%
charchoq, holsizlik – 38,1%
balg’am ajralishi – 33,4%
nafas qisishi – 18,6%
muskullarda yoki bo’g’imlarda og’riq – 14,8%

tomoq og’rig’i – 13,9%

bosh og’rigi – 13,6%

sovqotib titrash – 11,4%

ko’ngil aynishi va qusish – 5%

burun bitishi – 4,8%

diareya (ich ketishi) – 3,7%

qonli balg’am tupurish – 0,9%

konyuktivit – 0,8%

Mana shu belgilar borligi bu aniq koronavirus bor degani emas, bu belgilar boshqa holatlarda ham kuzatilishini hisobga olish kerak. Lekin shu belgilar kuzatiladigan bo’lsa og’iz burningizni maska bilan to’sib, o’zingizni boshqalardan izolyatsiya qilib, yashash joyingizdagi sog’liqni saqlash tizimiga xabar bering. Xitoyda ham bu belgilar bilan kasalxonaga mln dan ortiq odam murojaat qilgan, test qilingach ularning akariyatida virus aniqlanmagan. Shu bois vahimaga berilmang, o’zingizni ehtiyot qiling.

Республика хайвонлар касалликлари ташхиси ва озиқ-овқат махсулотлари хавфсизлиги Давлат марказида Олий ўқув юртлар билан тузилган шартнома асосида талабалар амалиётни ўтишмоқда

Chop etildi: 12.03.2020

Kategoriyalar: Markaz haqida,Markaz yangiliklari,Yangiliklar

Бугунги кунда мамлакатимизда малакали кадрларни тайёрлаш тизимини мақбуллаштириш, таълим сифатини яхшилаш, мавжуд имкониятлардан самарали фойдаланиш, моддий-техника базани мустаҳкамлаш, илмий ва илмий-педагогик кадрлар тайёрлаш салоҳиятини ошириш, юқори малакали рақобатбардош кадрлар тайёрлаш масаласига алоҳида катта эътибор қаратилмоқда.  Республика хайвонлар касалликлари ташхиси ва озиқ-овқат махсулотлари хавфсизлиги Давлат марказида  Олий ўқув юртлар билан тузилган шартнома асосида талабалар амалиёти йўлга қўйилган. Бугунги кунда марказ 2 та олий ўқув юртлари билан ўзаро шартнома ўрнатилган бўлиб улар қуйидагилар:

– Тошкент Давлат аграр университети;

– Тошкент кимё технологияси институти.

Марказимизда асосан Ветеринария, зоотехния, озиқ-овқат хавсизлиги йўналишида таҳсил олувчи талабалар амалиёт ўташлари ва дарсларда олган назарий билимларини амалиётда қўллаш кўникмаларига эга бўлишлари учун имкониятлар йўлга қўйилган.

Марказда талабалар бактериология, вирусология, серология, токсикология, радиология, ветеринария-санитария экспертизаси бўйича амалиёт ўташади.

Бугун марказда ташкил этилган Тошкент Давлат аграр университетининг, ветеринария йўналиши 3-босқич талабаларига “токсикология” лабораторияси иш фаоляти, ташкилий тузилмалари, меёрий хўжжатлар, классик ва замонавий усуллар орқали озиқ-овқат махсулотлари, патологик намуналар, хайвонлар озуқаси ва озуқабоп қўшимчаларни сифатини, кимёвий таркиби ва миқдорини, таркибидаги токсик моддаларни аниқлаш усуллари хақида назарий ва амалий билимлар берилди. Амалиёт давомида талабалар омухта-ем таркибидаги умумий токсинни аниқлашда инфузорияларга биосинов қўйиш жараёнида иштирок этишди. Қолаверса ташхис қўйишда хозирги вақтда қўлланилаётган замонавий теҳнологиялар ва уларнинг имкониятлари хақидаги билимларга эга бўлишди.

ҲАЙВОНЛАРНИ ЭЛЕКТРОН НАЗОРАТ ҚИЛИШ БЎЙИЧА 3 КУНЛИК ЎҚУВ-АМАЛИЙ СЕМИНАР БОШЛАНДИ

Chop etildi: 10.03.2020

Kategoriyalar: Foydali havolalar,Press relizlar,Yurtimiz yangiliklari

ҲАЙВОНЛАРНИ ЭЛЕКТРОН НАЗОРАТ ҚИЛИШ БЎЙИЧА 3 КУНЛИК ЎҚУВ-АМАЛИЙ СЕМИНАР БОШЛАНДИ

Ветеринария ва чорвачиликни ривожлантириш давлат қўмитасида соҳа мутахассислари учун 3 кунлик ўқув-амалий семинар бошланди. Унда ҳайвонларни идентификация қилиш тизимини кенг жорий этиш, электрон база назоратини юритиш, амалиётга тадбиқ этиш ва бошқа қатор масалалар муҳокама қилинмоқда. Ветеринария ва чорвачиликни ривожлантириш давлат қўмитаси томонидан ишлаб чиқилган “Ветеринария ахборот тизими” (VIS) платформасининг бир тармоғи ҳисобланган “Чинор” деб номланувчи тизимда ишлаш тартибини ўрганиш ва амалиётга босқичма-босқич жорий этиш айни кунда мақсадга мувофиқ жараён ҳисобланади. Семинарда Қорақалпоғистон Республикаси ва вилоятлар давлат ветеринария хизмати ҳодимлари, “Чорванасл” марказларининг мутахассислари иштирок этишмоқда. Семинарда янги ишлаб чиқилган мазкур ягона электрон маълумотлар базасининг дастлабки босқичларини амалиётга жорий этиш бўйича маърузалар ҳамда тақдимотлар бўлиб ўтмоқда.
– Ушбу янги жорий этилаётган “Чинор” электрон маълумотлар базасини худудларда жорий этилиши, амалиётда қўлланилишини таҳлил қилиш мақсадида қўмитанинг маъсул мутахассислари таркибидан иборат ишчи гуруҳи шакллантирилган. Худудий мутахассислар билан ҳамкорликда электрон маълумотлар базасини амалиётга жорий этишни жадаллаштириш керак, – дея таъкидлади қўмита раиси ўринбосари А.Акбаров.
Маълумки, ҳайвонларни идентификация қилишда Ўзбекистон Республикаси Вазирлар Маҳкамасининг 2017 йил 22 сентябрдаги “Ҳайвонларни идентификация қилиш, уларни ҳисобга олиш, ҳисобдан чиқариш ва сақлаш тартибини такомиллаштириш тўғрисида”ги қарори муҳим аҳамият касб этади.
Чорва молларини босқичма-босқич идентификация қилиш, бу бўйича ягона маълумотлар базасини шакллантириш ва электрон ахборот тизимини жорий қилиш, шунингдек бу жараёнда ходимлар малакасини босқичма-босқич ошириб бориш мақсадга мувофиқ ҳисобланади. Ўқув-амалий семинарида иштирок этиб, ушбу тизимни ўзлаштирган мутахассисларга қўмита томонидан маҳсус сертификатлар топширилади. Сертификатга эга бўлган маъсул ходимлар томонидан жадвал асосида туманларда электрон маълумотлар базасида ишлаш тартиби юзасидан семинар-тренинглар ташкил этилади.
Семинар ўз ишини давом эттирмоқда.

Манба; Ветеринария ва чорвачиликни ривожлантириш
Давлат қўмитаси Ахборот хизмати

ХАЛҚАРО ХОТИН-ҚИЗЛАР КУНИ МУНОСАБАТИ БИЛАН БАЙРАМ ТАБРИГИ!

Халқаро хотин-қизлар куни муносабати билан байрам табриги!

            Азиз опа-сингилллар, муҳтарам оналар!

Сизларни баҳорнинг илк шодиёнаси “8 март – Халқаро хотин-қизлар куни” байрами билан қутлаётганимдан ғоят мамнунман.

Аввало шуни таъкидлашим керакки, аёл тимсолида меҳру муҳаббат, садоқат ва вафо рамзи мужассам.

Биз ҳар гал оламнинг поклиги, инсон камолоти, умрнинг зийнати ҳақида гап кетганда, шубҳасиз мўътабар оналаримизни, гўзал опа-сингилларимизни кўз олдимизга келтирамиз. Боиси, улар қалбларимизда меҳру муҳаббат тимсоли бўлиб муҳрланган.

Бугун мамлакатимизда ветеринария ва чорвачилик соҳалари жадал ривожланиб бормоқда ва амалга оширилаётган ишларда Сиз мунис аёлларнинг ҳиссангиз беқиёсдир.

Ҳозирги кунда барча соҳаларда, жумладан ветеринария ва чорвачилик соҳасида хотин-қизларнинг фаоллиги ошиб бормоқда. Айни пайтда тармоқда икки мингга яқин аёллар фаолият олиб бормоқда ва энг қувонарлиси раҳбарлик лавозимларида фаолият олиб бораётган аёлларнинг сони ҳам ортиб бормоқда.

Азиз опа-сингилллар, қадрли оналар!

Фурсатдан фойдаланиб шу қутлуғ айём – 8 март байрами билан соҳада жонбозлик кўрсатаётган сиздек мунис ва мўътабар аёлларимизни, гўзал ва лобар қизларимизни, сизларнинг тимсолингизда бутун мамлакатимиз аёлларини чин қалбимдан муборакбод этиб, барчангизга ўзимнинг чуқур ҳурмат-эҳтиромим ва эзгу тилакларимни изҳор этаман.

Барчангизга сиҳат-саломатлик, бахт ва гўзаллик, хонадонингизга тинчлик-хотиржамлик, файзу-барака тилайман!

Баҳромжон НОРҚОБИЛОВ,

Ветеринария ва чорвачиликни
ривожлантириш давлат қўмитаси раиси

РЕСПУБЛИКА ҲАЙВОНЛАР КАСАЛЛИКЛАРИ ТАШХИСИ ВА ОЗИҚ-ОВҚАТ МАҲСУЛОТЛАРИ ХАВФСИЗЛИГИ ДАВЛАТ МАРКАЗИ 8-март табриги.

Chop etildi: 06.03.2020

Kategoriyalar: Markaz haqida,Markaz yangiliklari,Yangiliklar,Yurtimiz yangiliklari

Aziz va Mo’tabar AYOLLAR!Sizlarni kirib kelayotgan 8 – mart Halqaro Xotin – qizlar bayrami bilan chin yurakdan muborakbod etamiz. Sizlarga uzoq umr, sihat -salomatlik, baxt omad tilaymiz.Oilangizga tinchlik hotirjamlik,ishlaringizda eng katta yutuqlarga erishishingizda tilakdoshmiz.РЕСПУБЛИКА ҲАЙВОНЛАР КАСАЛЛИКЛАРИ ТАШХИСИ ВА ОЗИҚ-ОВҚАТ МАҲСУЛОТЛАРИ ХАВФСИЗЛИГИ ДАВЛАТ МАРКАЗИ

ХАЛҚАРО ЧЕЛЛЕНЖ ҒОЛИБЛАРИГА ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИНИНГ СОВҒАЛАРИ ТОПШИРИЛДИ

Chop etildi: 04.03.2020

Kategoriyalar: Yangiliklar,Yurtimiz yangiliklari

ХАЛҚАРО ЧЕЛЛЕНЖ ҒОЛИБЛАРИГА ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИНИНГ СОВҒАЛАРИ ТОПШИРИЛДИ

Маълумки, Халқаро Эпизоотик Бюро томонидан жорий йилнинг 15 январидан 12 февраль кунига қадар ташкил этилган халқаро челленжда дунёнинг барча мамлакатларидан озиқ-овқат ҳавфсизлиги ва ҳайвонлар орқали тарқаладиган вирусли касалликлар бўйича тадқиқотчилар, ветеринария мутахассислари ва талабалар иштирок этди.
Танлов шартларига кўра, барча саволларга тўғри жавоб бериб, энг юқори балл тўплаган ғолиб, Франция пойтахти Париж шаҳрига 7 кунлик саёҳат йўлланмасини ҳамда ҳар йили май ойида ХЭБ штаб-квартираси жойлашган Парижда бўлиб ўтадиган делегатлар бутунжаҳон Ассамблеясининг бош сессиясида иштирок этиш имкониятини қўлга киритади.
Демак, 2020 йил ғолиби – Ўзбекистон вакили, Самарқанд ветеринария медицинаси институти талабаси Нурмуҳаммад Нарзиев май ойида Парижга йўл олади.