• Mobil versiya
  • Bog'lanish
Generic selectors
Exact matches only
Search in title
Search in content
Search in posts
Search in pages

ЎЗБЕКИСТОН РЕСПУБЛИКАСИ ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИ РАИСИНИНГ БАЙРАМ ТАБРИГИ!

ЎЗБЕКИСТОН РЕСПУБЛИКАСИ ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИ РАИСИНИНГ БАЙРАМ ТАБРИГИ!

        Ҳурматли юртдошлар, соҳа фидойилари!  

Айни пайтларда диёримизга барчамиз орзиқиб, соғиниб кутган Наврўзи олам кириб келмоқда. Минг йиллар давомида маънавий ҳаётимизнинг зийнати бўлиб келаётган бу ажойиб, хосиятли байрам қалбларимизга чексиз қувонч ва завқ бағишлайди.

Мана шундай файзли айёмда барча юртдошларимизга, соҳада жонкуярлик билан меҳнат қилаётган азиз ватандошларимизга юксак ҳурмат ва энг эзгу тилакларимни изҳор этаман.

Муҳтарам Президентимиз Шавкат Мирзиёев раҳнамолигида соҳада олиб борилаётган ўзгаришлар, ислоҳотларнинг мазмун-моҳияти ва ижросини таъминлашда барчангизнинг муносиб ҳиссангиз бор.

Алоҳида эътироф этишим керак, Президентимизнинг 2019 йил 28 мартдаги “Ветеринария ва чорвачилик соҳасида давлат бошқаруви тизимини тубдан такомиллаштириш чора-тадбирлари тўғрисида”ги ПФ-5696-сон Фармони билан Давлат ветеринария қўмитаси Ветеринария ва чорвачиликни ривожлантириш давлат қўмитаси этиб қайта ташкил этилди ҳамда унинг асосий вазифалари белгилаб берилди.

Шунингдек, 2019 йил 28 мартдаги “Ўзбекистон Республикаси Ветеринария ва чорвачиликни ривожлантириш давлат қўмитаси фаолиятини ташкил этиш тўғрисида”ги ПҚ-4254-сон Қарори билан қўмитанинг барча ташкилий тузилмалари тасдиқланиб, фан билан амалиётнинг узвий боғлиқлигини таъминлаш мақсадида қатор институтлар қўмита таркибига ўтказилди ҳамда чорвачилик ва наслчилик ишларини янада ривожлантириш мақсадида “Ўзбекчорванасл” агентлиги ташкил этилди.

Ушбу тарихий ҳужжатлар билан мамлакатимизда ветеринария ва чорвачилик соҳасидаги ягона давлат сиёсатини юритиш механизми яратилди.

Ўйлайманки, республикамизда озиқ-овқат маҳсулотлари сифати ва хавфсизлигини таъминлаш, бугунги синов палласида халқимизга сифатли ва арзон чорва маҳсулотлари етказиб бериш, соддароқ қилиб айтганда, элимиз дастурхонини обод қилиш Ветеринария ва чорвачиликни ривожлантириш давлат қўмитаси зиммасидаги улкан масъулиятдир.

Бу борада мамлкатимизнинг барча чорвачилик субьектларида маҳсулот етиштириш ва қайта ишлаш бўйича ишлар қизғин олиб борилаётганлигини, халқимиз гўшт ва сут маҳсулотлари бўйича тақчиллик сезмаслигини алоҳида таъкидламоқчиман.

Азиз ватандошлар!  

Фурсатдан фойдаланиб, барчангизни, жумладан юртимизда фаолият олиб бораётган барча ветеринар ва чорвадорларни янгиланиш ва ёшариш айёми — Наврўз байрами билан самимий қутлайман!

Сизларга соғлик-саломатлик, бахту-саодат, хонадонингизга файзу барака ва ишингизда муваффақиятлар тилайман!

Муборак Наврўзи оламнинг қадами қутлуғ келиб, элимизни барча синовлардан фориғ этсин!

Баҳромжон НОРҚОБИЛОВ,

Ветеринария ва чорвачиликни
ривожлантириш давлат қўмитаси раиси

Наврўз байрами муносабати билан Республика хайвонлар касалликлари ташхиси ва озиқ-овқат махсулотлари хавфсизлиги Давлат маркази директори Б.С.Тангяриков табриги.

 

Ассалому алайкум
Азиз дўстлар, қадрли ҳамкасблар, ҳурматли хайвонлар касалликлари ташхиси ва озиқ-овқат махсулотлари хавфсизлиги Давлат маркази ходимлари!

Барчангизни уйғониш, покланиш, янгиланиш ва яшариш айёми бўлган – Наврўзи олам шарқона янги йилнинг бошланиши муносабати билан чин қалбимдан самимий муборакбод этаман. Мана шу қутлуғ кунда сиз азизларга, сиҳат-саломатлик, бахт ва омад, оилангизга тинчлик-хотиржамлик, файзу барака тилайман.

Она юртимизга фасллар келинчаги баҳорнинг ташриф буюриши билан бутун табиат гўзалликка бурканмоқда, атроф-муҳитнинг бетакрор тароватидан кўзлар қувнонади. Нафосат фасли одамлар қалбида ҳам соф ва ҳузурбахш туйғуларни уйғотиб, яшаш ва яратишга руҳлантирмоқда. Наврўз тинчлик, тотувлик, бағрикенглик, қут-барака тимсоли, меҳр-муҳаббат айёмидир. Бу байрамимизда халқимизнинг қадимий урф одатлари, анъаналари, умрбоқий қадриятлари ўз ифодасини топган.

Ҳозирда дунёда коронавирус пандемиясининг тарқалиши ва бизнинг юртимизга ҳам хавф солаётган бир вақтда, тушкунликка тушмасдан, байрамона бахорий кайфият сизларга тилаб, юртимизда ва бутун дунёда соғлик, тинчлик ва хотиржамлик бўлишини тилайман. Тез кунларда инсоният бу касаллик устидан ғалаба қозонишига умид билдираман.

Азиз ҳамкасблар! Сизларни яна бир бор Наврўз айёми билан чин қалбдан қутлайман. Барчаларингизга сиҳат-саломатлик, хотиржамлик, бахт-саодат, хонадонларингизга файзу барака, фаровонлик тилайман. Баҳор байрамингиз муборак бўлсин!

Республика хайвонлар касалликлари ташхиси

ва озиқ-овқат махсулотлари хавфсизлиги

Давлат маркази директори

Б.С.Тангяриков.

ҚЎРҚҚАНГА ҚЎШ КЎРИНАР…

Chop etildi: 19.03.2020

Kategoriyalar: tanlangan sahifa,Yangiliklar,Yurtimiz yangiliklari

ҚЎРҚҚАНГА ҚЎШ КЎРИНАР...

Мамлакатимизда COVID-19 коронавирус инфекциясига чалинган илк бемор аниқланган куни дўконлар, супермаркетлар ва бошқа бозор расталарида турнақатор навбатлар юзага келгани, одамларнинг ёппасига озиқ-овқат ва бошқа истеъмол молларини ғамлашга киришгани бор гап. 

Ўша куни аҳоли орасида худдики эрта-индин қаҳатчилик бўладигандек тасаввур бор эди. Бунинг ортидан ижтимоий тармоқларда озиқ-овқат маҳсулотлари тақчиллиги бўйича турли хил асоссиз хабарлар пайдо бўла бошлади…

ОДАМЛАРНИНГ КОРОНАВИРУС COVID-19 КАСАЛЛИГИДА ҲАЙВОНЛАРДАН ҚАНДАЙ ХАВФ БОР?

Chop etildi: 19.03.2020

Kategoriyalar: tanlangan sahifa,Yangiliklar,Yurtimiz yangiliklari

ОДАМЛАРНИНГ КОРОНАВИРУС COVID-19 КАСАЛЛИГИДА ҲАЙВОНЛАРДАН ҚАНДАЙ ХАВФ БОР?

Коронавирус (CoV) – бу РНК (рибонуклеин кислотаси) вируслари оиласи ҳисобланади. Вирус зарраси липид мембранаси атрофида оқсилларнинг ўзига хос “тож” кўринишини ҳосил қилади. Шу сабабдан мазкур вируслар коронавирус деб аталади.

Коронавируснинг айрим штаммлари (турлари) зооноз ҳисобланади, яъни одамлар ва ҳайвонлар учун умумий ҳисобланади, лекин кўпчилик штаммлари (турлари) зооноз ҳисобланмайди.

2019 йил декабрь ойида Хитой Халқ Республикасининг Ухан шаҳрида одамларнинг номаълум келиб чиққан пневмония билан касалланиш ҳолатлари қайд этилди. Кейинчалик мазкур пневмония қўзғатувчиси Коронавирус эканлиги аниқланди.

Вируслар таксономияси халқаро қўмитаси томонидан вирус SARS-CoV-2 деб илмий номланди. Шунингдек, вирусни иккинчи номи COVID-19 деб аталди.

ПРЕЗИДЕНТ КОРОНАВИРУС БИЛАН БОҒЛИҚ ВАЗИЯТ БЎЙИЧА ХАЛҚҚА МУРОЖААТ ҚИЛДИ

Chop etildi: 18.03.2020

Kategoriyalar: tanlangan sahifa,Yangiliklar,Yurtimiz yangiliklari

Ўзбекистон Республикаси Президенти Шавкат Мирзиёев 18 март куни маҳалла ва оила масалаларига бағишланган видеоселектор йиғилишининг бошида коронавирус муаммосига тўхталиб ўтди.

Бугунги кунга келиб ушбу хавфли инфекция 160 дан ортиқ мамлакатда тарқалди. Дунё миқёсида касалланганлар сони 190 минг нафарга етди, 7,5 минг ўлим ҳолати қайд этилди, 81 мингдан зиёд бемор тузалди. Эпидемия кенг ёйилиб кетгани сабабли Жаҳон соғлиқни сақлаш ташкилоти уни пандемия деб эълон қилди.

Минг афсуски, бу юқумли хасталик мамлакатимизни ҳам четлаб ўтмади. Бугунги кунда юртмизда унга чалинган беморлар сони 15 нафарга етди.

Бу вазият олдиндан тўғри баҳоланиб, Президентимиз топшириғига мувофиқ Республика махсус комиссияси тузилган эди. Шу боис Ўзбекистонга касалликнинг оммавий кириб келиши ва кенг тарқалишининг олди олинди.

ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИ ТОМОНИДАН COVID-19 КОРОНАВИРУС КАСАЛЛИГИНИ ТАРҚАЛИШИНИ ОЛДИНИ ОЛИШГА ҚАРАТИЛГАН ҚАТОР ПРОФИЛАКТИК ТАДБИРЛАР АМАЛГА ОШИРИЛМОҚДА

Chop etildi: 17.03.2020

Kategoriyalar: Foydali havolalar,tanlangan sahifa,Yangiliklar,Yurtimiz yangiliklari

Ветеринария ва чорвачиликни ривожлантириш Давлат қўмитаси томонидан COVID-19 коронавирус касаллигини тарқалишини олдини олишга қаратилган қатор профилактик тадбирлар амалга оширилмоқда

Коронавирус инфекциясининг қисқа фурсат ичида кўплаб давлатларга тарқалиши билан боғлиқ вазият жиддий тус олмоқда. Дунё жамоатчилигини хавотирга солаётган мазкур инфекция билан касалланганлар сони тобора ортиб бормоқда. Жаҳон соғлиқни сақлаш ташкилоти маълумотларига кўра, дунё бўйлаб инфекцияни юқтирганлар сони жорий йилнинг 17 март холатига 179 минг кишидан ошиб кетган.
Коронавирус касаллиги белгилари грипп ва бошқа ўткир респираторли инфекцияларга ўхшаб, тана ҳароратининг кўтарилиши, ҳолсизлик ва йўтал билан бошланади. Беморнинг ўпка, ошқозон аъзолари ва асаб тизими шикастланади. Касаллик бемордан соғлом одамга ҳаво-томчи йўли билан, маиший мулоқот йўли билан юқиши мумкин. Халқаро эпизоотик бюро (ХЭБ) Бош директорининг делегатларга юборган мурожаатида Жаҳон соғлиқни сақлаш ташкилоти (ЖССТ) томонидан касаллик тарқалганлиги эълон қилинган давлатларга вақтинча боришни чеклаш тавсия этилган.

РАСМИЙ БАЁНОТ: ЧОРВАЧИЛИК МАҲСУЛОТЛАРИ ТАҚЧИЛЛИГИ ЮЗАГА КЕЛМАЙДИ

Chop etildi: 17.03.2020

Kategoriyalar: tanlangan sahifa,Yangiliklar,Yurtimiz yangiliklari

РАСМИЙ БАЁНОТ: ЧОРВАЧИЛИК МАҲСУЛОТЛАРИ ТАҚЧИЛЛИГИ ЮЗАГА КЕЛМАЙДИ

Хабарингиз бор, жорий йилнинг 15 март куни мамлакатимизда COVID-19 коронавирус инфекциясига чалинган илк бемор аниқлангач, ижтимоий тармоқларда озиқ-овқат маҳсулотлари тақчиллиги бўйича турли асоссиз хабарлар пайдо бўлди.
Ветеринария ва чорвачиликни ривожлантириш давлат қўмитаси шуни маълум қиладики, юртимизда чорвачилик маҳсулотлари тақчиллиги юзага келмайди.
Боиси, мамлакатимизда жами 6,4 мингта чорвачилик субъекти мавжуд бўлиб, шундан 500 дан ортиғи гўшт етиштиришга, 2 мингдан ортиғи сут ва 4 мингга яқини гўшт-сут маҳсулотлари етиштиришга ихтисослашган. Айни пайтда мамлакатда 13 миллиондан ортиқ қорамол мавжуд бўлиб шундан 93 фоизи аҳоли ҳиссасига тўғри келади.
Бугунги кунда кунлик ўртача 7 минг тонна гўшт етиштирилиб, шундан 90 фоизи бозорларда сотилаётган бўлса, 10 фоизи қайта ишлашга йўналтирилмоқда. Шунингдек, кунлик 30,7 минг тонна сут соғиб олиниб 16 фоизи қайта ишланмоқда.
Мавжуд 1,2 мингдан ортиқ паррандачилик корхоналарида кунига 15 миллион донадан ортиқ тухум, 400 тоннадан ортиқ парранда гўшти етиштирилиб, 300-320 тонна парранда гўшти бозорларда сотилаётган бўлса, 80-100 тоннаси қайта ишлашга йўналтирилмоқда.
Эслатиб ўтамиз, 2020 йил 16 март ҳолатига кўра, республикада 5,4 минг тонна парранда гўшти захираси яратилган.
Бундан ташқари, кунига ўртача 363 тонна балиқ ва балиқ маҳсулотлари ҳамда 37 тоннадан зиёд асал етиштирилиб истеъмол учун чиқарилмоқда.
Таъкидлаш керакки, бугунги кунда мамлакатимизда мол гўштининг ўртача бозор баҳоси 38000 сўмдан 52000 сўмгача, қўй гўшти 39000 сўмдан 54000 сўмгача, товуқ гўшти 16000 сўмдан 20000 сўмгача, тухум 650 сўмдан 900 сўмгача, балиқ 11000 сўмдан 25000 сўмгача, асалнинг бир килоси эса ўртача 35000 сўмни ташкил этмоқда.
Чорвачилик, паррандачилик, балиқчилик, асаларичилик, қуёнчилик субъектларининг иш рентабеллиги ҳар доимги кўрсаткичларда бўлиб, ишлаб чиқариш қувватлари пасаймаганини алоҳида таъкидлаш лозим.

Ҳурматли юртдошлар!

Ветеринария ва чорвачиликни ривожлантириш давлат қўмитаси сизлардан чорвачилик маҳсулотлари тақчиллиги бўйича тарқатилган асоссиз хабарларга ишонмаслигингизни сўрайди.
Бу борада қўмита Ахборот хизмати томонидан ишончли маълумотлар етказиб турилади.

МАНБА; Ветеринария ва чорвачиликни ривожлантириш
Давлат қўмитаси Ахборот хизмати

Саломлашишни тавсия қилнади

Chop etildi: 16.03.2020

Kategoriyalar: Foydali havolalar

Бугунги кунда фақатгина Хитой давлати коронавирус ўсишини тўхтата олган ягона давлат хисобланиб турибди. Бунга сабаб эса хитой халқи Давлат томонидан белгиланган тартиб-интизомнинг тўғри тушунгани ва унга амал қилганлигидандир. Вирусни инсондан-инсонга ўтишига асосий сабаблардан бири – бу қўл бериб саломлашишдир. Хозирда коронавирус тарқалган давлатлар аҳолиси, хукумат аъзолари ва хаттоки давлат рахбарлари ҳам қўл билан аълоқа қилишни тўхтатишди. Ўзимизни касалликдан ҳимоялаш ва юртимизда вирусни тарқалишини олдини олиш мақсадида, токи бу касаллик мамлакатимизда буткул йўқ бўлиб кетмагунга қадар, қўл билан аълоқалашмасдан саломлашишни тавсия қилинади. Гарчи бу йўсинда саломлашиш одат тусига кирган бўлсада, аммо хозирги вазиятда касалликни йўқтирмаслик учун энг яхши усул саналади.

O`zingizni o`zingiz ASRANG !!!

Chop etildi: 15.03.2020

Kategoriyalar: Foydali havolalar,Yangiliklar,Yurtimiz yangiliklari

​​Koronavirus yuqmasligi uchun nimalar tavsiya qilinmoqda:

Koronaviruslar odatda nafas olish, oshqozon-ichak va nerv sistemasi organlarini zararlantiradi. Mutaxassislar ushbu virus yuqmasligi uchun quyidagilarni tavsiya qilishmoqda:

shaxsiy gigiyena qoidalariga amal qilish muhim hisoblanadi. Buning uchun qo’larni doimiy, har 1-2 soatda bir marta sovunlab yuvish, ko’chadan uyga kirganda, hojatdan keyin, ovqat tayyorlashdan avval, odamlar bilan ko’rishgandan keyin albatta yuvish kerak;
imkon qadar jamoat joylariga bormaslik;
ko’chaga chiqishdan avval og’iz va burunni to’suvchi tibbiyot niqoblaridan foydalanish;
doimiy ravishda har 15-20 minut oraliqda 50-55 gradus issiqlikdagi suv ichib turish;
faqat yangi tayyorlangan va issiq ovqatlarni iste’mol qilish;
yetarlicha uxlash, dam olish va jismoniy mashqlar bilan shug’ullanib turish.

Ushbu virusda odamlarga nimalar yordam bermaydi:

qo’lga turli qo’lqoplar kiyib yurish;
Sababi virus qo’ldan yuqmaydi, og’iz, burun, ko’z yoki umuman shilliq qavatlar orqali yuqadi. Qo’lga qo’lqop kiyish emas, aksincha uni doimiy yuvib turish kerak.
turli antibiotiklardan foydalanish;
Antibiotiklar viruslarni emas, aksincha bakteriyalarni o’ldiradi, ular viruslarga deyarli ta’sir qilmaydi.

Agar sizda kasallikning biror alomati kuzatilsa o’ylab o’tirmasdan darhol shifokorga murojaat qiling. Bunda og’iz burningizni niqob bilan to’sing, hech kim bilan gaplashmang, aksirganda yoki yo’talganda og’zingizni to’sing.

Koronavirus yuqqanini qanday bilish mumkin?

Bu borada Jahon sog’liqni saqlash tashkiloti (JSST) qo‘ydagi ma’lumotlar berdi.:point_down::point_down::point_down::point_down:

COVID-19 kasalligining o’ziga xos ajralib turadigan belgisi yo’q. U ba’zan hech qanday simptom hosil qilmasligi mumkin, lekin odatda shamollashga o’xshash belgilar bilan yuzaga keladi. Hozirgacha 156 mingdan ortiq virus yuqtirgan odamlarni kuzatib JSST kasallikning quyidagi belgilarini xabar beradi.
Belgi to’g’risidagi foiz – umumiy kasallanganlarning necha foizida shu belgi kuzatilganini bildiradi.

isitma – 87,9%
quruq yo’tal – 67,7%
charchoq, holsizlik – 38,1%
balg’am ajralishi – 33,4%
nafas qisishi – 18,6%
muskullarda yoki bo’g’imlarda og’riq – 14,8%

tomoq og’rig’i – 13,9%

bosh og’rigi – 13,6%

sovqotib titrash – 11,4%

ko’ngil aynishi va qusish – 5%

burun bitishi – 4,8%

diareya (ich ketishi) – 3,7%

qonli balg’am tupurish – 0,9%

konyuktivit – 0,8%

Mana shu belgilar borligi bu aniq koronavirus bor degani emas, bu belgilar boshqa holatlarda ham kuzatilishini hisobga olish kerak. Lekin shu belgilar kuzatiladigan bo’lsa og’iz burningizni maska bilan to’sib, o’zingizni boshqalardan izolyatsiya qilib, yashash joyingizdagi sog’liqni saqlash tizimiga xabar bering. Xitoyda ham bu belgilar bilan kasalxonaga mln dan ortiq odam murojaat qilgan, test qilingach ularning akariyatida virus aniqlanmagan. Shu bois vahimaga berilmang, o’zingizni ehtiyot qiling.

Республика хайвонлар касалликлари ташхиси ва озиқ-овқат махсулотлари хавфсизлиги Давлат марказида Олий ўқув юртлар билан тузилган шартнома асосида талабалар амалиётни ўтишмоқда

Chop etildi: 12.03.2020

Kategoriyalar: Markaz haqida,Markaz yangiliklari,Yangiliklar

Бугунги кунда мамлакатимизда малакали кадрларни тайёрлаш тизимини мақбуллаштириш, таълим сифатини яхшилаш, мавжуд имкониятлардан самарали фойдаланиш, моддий-техника базани мустаҳкамлаш, илмий ва илмий-педагогик кадрлар тайёрлаш салоҳиятини ошириш, юқори малакали рақобатбардош кадрлар тайёрлаш масаласига алоҳида катта эътибор қаратилмоқда.  Республика хайвонлар касалликлари ташхиси ва озиқ-овқат махсулотлари хавфсизлиги Давлат марказида  Олий ўқув юртлар билан тузилган шартнома асосида талабалар амалиёти йўлга қўйилган. Бугунги кунда марказ 2 та олий ўқув юртлари билан ўзаро шартнома ўрнатилган бўлиб улар қуйидагилар:

– Тошкент Давлат аграр университети;

– Тошкент кимё технологияси институти.

Марказимизда асосан Ветеринария, зоотехния, озиқ-овқат хавсизлиги йўналишида таҳсил олувчи талабалар амалиёт ўташлари ва дарсларда олган назарий билимларини амалиётда қўллаш кўникмаларига эга бўлишлари учун имкониятлар йўлга қўйилган.

Марказда талабалар бактериология, вирусология, серология, токсикология, радиология, ветеринария-санитария экспертизаси бўйича амалиёт ўташади.

Бугун марказда ташкил этилган Тошкент Давлат аграр университетининг, ветеринария йўналиши 3-босқич талабаларига “токсикология” лабораторияси иш фаоляти, ташкилий тузилмалари, меёрий хўжжатлар, классик ва замонавий усуллар орқали озиқ-овқат махсулотлари, патологик намуналар, хайвонлар озуқаси ва озуқабоп қўшимчаларни сифатини, кимёвий таркиби ва миқдорини, таркибидаги токсик моддаларни аниқлаш усуллари хақида назарий ва амалий билимлар берилди. Амалиёт давомида талабалар омухта-ем таркибидаги умумий токсинни аниқлашда инфузорияларга биосинов қўйиш жараёнида иштирок этишди. Қолаверса ташхис қўйишда хозирги вақтда қўлланилаётган замонавий теҳнологиялар ва уларнинг имкониятлари хақидаги билимларга эга бўлишди.