• Mobil versiya
  • Bog'lanish
Generic selectors
Exact matches only
Search in title
Search in content
Search in posts
Search in pages

ЎЗБЕКИСТОН РЕСПУБЛИКАСИ КОНСТИТУЦИЯСИНИНГ 28 ЙИЛЛИГИ МУНОСАБАТИ БИЛАН БАЙРАМ ТАБРИГИ!

Chop etildi: 08.12.2020

Kategoriyalar: Yangiliklar,Yurtimiz yangiliklari

Ўзбекистон Республикаси Конституциясининг 28 йиллиги муносабати билан байрам табриги!

                      Ҳурматли юртдошлар! 

Айни пайтда барча юртдошларимиз мамлакатимиз Бош қомусининг йигирма саккиз йиллигини кенг кўламда нишонламоқда.

Она диёримизнинг жаҳон ҳамжамиятидаги асосий мезони ҳисобланган қомусимизнинг юзага келиши, бинобарин унда фуқароларнинг ҳуқуқ ва эркинликлари, ватан олдидаги бурч ва мажбуриятлари инсоний қадриятлар тимсоли сифатида мукаммал акс этиши, ўйлайманки барчамизга фахру ифтихор бахш этади.

Аввало, инсоннинг ҳуқуқ ва эркинликлари, ватан олдидаги бурч ва мажбуриятлари юксак қадриятлар сифатида белгилаб қўйилган мазкур ҳужжат – Бош қомусимизнинг йигирма саккиз йиллиги билан азиз ватандошларимизни чин қалбдан муборакбод этаман.

Бугун қўлга киритилаётган ютуқлар, айниқса давлатимиз раҳбари ташаббуси билан олиб борилаётган улкан ўзгаришлар ва ислоҳотлар мамлакатимизда инсон ҳақ-ҳуқуқлари муносиб кафолатланганлигининг ёрқин далилидир.

Азиз ватандошлар! 

Фурсатдан фойдаланиб Бош қомусимизнинг йигирма саккиз йиллиги билан яна бир бор самимий қутлайман.

Инсоннинг шаъни, қадр-қимматини юксалтириш, ҳақ-ҳуқуқларини кафолатлаш борасидаги эзгу ишларда Яратганнинг ўзи мададкор бўлишини тилайман!

Баҳром НОРҚОБИЛОВ,
Ветеринария ва чорвачиликни
ривожлантириш давлат қўмитаси раиси.

Ўзбекистон Республикаси олий мажлис сенатининг фан, таълим ва соғлиқни сақлаш масалалари қўмитаси томонидан ташкил қилинган “мамлакатда озиқ-овқат маҳсулотларининг сифати ва хавфсизлигини таъминлашнинг долзарб масалалари” мавзусида халқаро онлайн конфиренция ўтказилди.

Chop etildi: 03.12.2020

Kategoriyalar: Yangiliklar,Yurtimiz yangiliklari

Ўзбекистон Республикаси олий мажлис сенатининг фан, таълим ва соғлиқни сақлаш масалалари қўмитаси томонидан ташкил қилинган “мамлакатда озиқ-овқат маҳсулотларининг сифати ва хавфсизлигини таъминлашнинг долзарб масалалари” мавзусида халқаро онлайн конфиренция ўтказилди.

Тадбирдан мақсад – озиқ-овқат ишлаб чиқарувчи корхоналар фаолияти устидан давлат, парламент ва ижтимоий назоратни йўлга қўйиш ҳамда тизимлаштириш, соҳа хуқуқий асосини такомиллаштириш бўйича халқаро тажрибани ўрганиш, шунингдек озиқ-овқат маҳсулотларнинг сифати ва хавфсизлиги кўрсаткичларни таҳлил қилинди.

Конфиренцияда хорижлик мутахасислар, халқаро ташкилотлар ва вазирликлар қаторида Республика хайвонлар касалликлари ташхиси ва озиқ-овқат махсулотлари хавфсизлиги Давлат маркази директори Б.С.Тангяриков ҳам “озиқ-овқат маҳсулотлар сифати ва хавфсизлигига экспертиза ўтказишда миллий тажриба: аҳволи, муаммолари ва ривожланиши” мавзуси бўйича тақдимот ўтказдилар.

ОЗИҚ-ОВҚАТ МАҲСУЛОТЛАРИ СИФАТИ МУНТАЗАМ ВЕТЕРИНАРИЯ КЎРИГИДАН ЎТКАЗИЛМОҚДА

Chop etildi: 30.11.2020

Kategoriyalar: Yangiliklar,Yurtimiz yangiliklari

Озиқ-овқат маҳсулотлари сифати мунтазам ветеринария кўригидан ўтказилмоқда

Барча худудий деҳқон бозорларида озиқ-овқат маҳсулотлари доимий равишда ветеринария лабораториялари кўригидан ўтказилиб келинмоқда.

Хусусан, ўтган ҳафта давомида Давлат ветеринария хизмати ходимлари томонидан пойтахтимизнинг “Фарҳод” деҳқон бозорида 8589 кг йирик шохли мол гўшти, 3158 кг майда шохли мол гўшти, 5499 кг парранда гўшти, 3244 кг сут ва сут маҳсулотлари, 397316 дона тухум ва 207086 кг ўсимликка мансуб маҳсулотлар ветеринария-санитария экспертиза лабораториялари кўригидан ўтказилди ва истеъмолга яроқлилиги аниқланди.

Шунингдек, текширувлар давомида 357 та тухум ва 56 кг ўсимликка мансуб маҳсулотларнинг истеъмолга яроқсизлиги аниқланди ҳамда белгиланган тартибда зарарсизлантирилди.

Ветеринария ва чорвачиликни ривожлантириш
Давлат қўмитаси Ахборот хизмати

“ЎЗБЕКИСТОН 24” РАДИОКАНАЛИ ТАҚДИМ ЭТАДИ: ҚОҒОЗБОЗЛИКНИ КАМАЙТИРИШ, ЭРКИНЛИКНИ КЕНГАЙТИРИШ, ЛИЦЕНЗИЯЛАШ ВА РУХСАТ БЕРИШ ХУЖЖАТЛАРИНИ СОДДАЛАШТИРИШ БЎЙИЧА АМАЛГА ОШИРИЛАЁТГАН ИШЛАР

Chop etildi: 27.11.2020

Kategoriyalar: Yangiliklar,Yurtimiz yangiliklari

“Ўзбекистон 24” радиоканали тақдим этади: Қоғозбозликни камайтириш, эркинликни кенгайтириш, лицензиялаш ва рухсат бериш хужжатларини соддалаштириш бўйича амалга оширилаётган ишлар

Ҳозирги кунда мамлакатимизда тадбиркорликни ривожлантиришга жиддий эътибор қаратилмоқда.

Хусусан, тадбиркорликда барча йўналишлар бўйича фаолиятини амалга оширишда талаб этиладиган лиценция бериш тартибининг соддалаштирилгани тадбиркорлик муҳитини янада яхшилаш ва ортиқча сарсонгарчиликнинг олдини олишда қўл келмоқда.

Хўш, бу борада ветеринария соҳасида фаолият олиб бораётган тадбиркорлар учун қандай имкониятлар мавжуд.

“Ўзбекистон 24” радиоканалининг “Ахборот 24” дастурида ушбу долзарб масалага тўхталиб ўтилди.

Унда Ветеринария ва чорвачиликни ривожлантириш давлат қўмитаси “Ветеринария фаолиятини лиценциялаш ва мувофиқлаштириш бошқармаси” мутахассиси Азиз Абдусамиев тадбиркорлар учун яратилаётган қулайликлар ва имкониятлар тўғрисидаги мулоҳазаларини баён этди.

Ветеринария ва чорвачиликни ривожлантириш
Давлат қўмитаси Ахборот хизмати

ДЕҲҚОН БОЗОРЛАРИДА ОЗИҚ-ОВҚАТ МАҲСУЛОТЛАРИ ХАВФСИЗЛИГИНИ ТАЪМИНЛАШ БЎЙИЧА КЎРИЛАЁТГАН ЧОРАЛАР-ТАДБИРЛАР

Chop etildi: 24.11.2020

Kategoriyalar: Yangiliklar,Yurtimiz yangiliklari

Деҳқон бозорларида озиқ-овқат маҳсулотлари хавфсизлигини таъминлаш бўйича кўрилаётган чоралар-тадбирлар

Бугунги кунда деҳқон бозорларини хавфсиз ва сифатли озиқ-овқат маҳсулотлари билан таъминлаш бўйича муҳим чора-тадбирлар амалга оширилмоқда.

Бу борада Давлат ветеринария хизмати ходимлари томонидан доимий равишда аҳолининг бирламчи маҳсулотлари устидан назорат олиб борилмоқда.

Ўтган ҳафта мобайнида пойтахтимизнинг “Миробод” деҳқон бозорида 1777 кг йирик ва майда шохли мол гўшти, 2939 кг парранда гўшти, 36650 та тухум, 220 кг асал ва 19760 кг ўсимликка мансуб маҳсулотлар ветеринария кўригидан ўтказилди ва истеъмолга яроқлилиги аниқланиб, сотишга рухсат этилди.

Шунингдек, текширувлар давомида 92 та тухум ва 16 кг ўсимликка мансуб маҳсулотларнинг истеъмолга яроқсизлиги аниқланди ҳамда белгиланган тартибда зарарсизлантирилди.

 

Ветеринария ва чорвачиликни ривожлантириш
Давлат қўмитаси Ахборот хизмати

ОЗИҚ-ОВҚАТ ХАВФСИЗЛИГИНИ ТАЪМИНЛАШ – ДАВР ТАЛАБИ

Chop etildi: 16.11.2020

Kategoriyalar: Yangiliklar,Yurtimiz yangiliklari

Озиқ-овқат хавфсизлигини таъминлаш – давр талаби

Ҳозирда республикамиз озиқ-овқат маҳсулотлари сифати ва хавфсизлигини таъминлашга алоҳида эътибор қаратилмоқда.

Аҳоли учун бирламчи маҳсулотлар худудий деҳқон бозорларида фаолият юритаётган ветеринария-санитария экспертиза лабораториялари томонидан текширувдан ўтказилиб, сотув расталарига йўналтирилмоқда.

Хусусан, ўтган ҳафта мобайнида пойтахтимизнинг “Наврўз” деҳқон бозорида 7665 кг йирик шохли мол гўшти, 837 кг майда шохли мол гўшти, 7874 кг парранда гўшти, 5327 кг сут ва сут маҳсулотлари, 4906 кг ўсимликка мансуб маҳсулотлар ва 117330 дона тухум ветеринария-санитария экспертиза лабораториялари кўригидан ўтказилди ва истеъмолга яроқлилиги аниқлаб, сотишга рухсат этилди.

Шунингдек, 15 кг чорвачилик маҳсулотлари,120 дона тухум, 5 кг сут ва сут маҳсулотлари ҳамда 32 кг ўсимликка мансуб маҳсулотлар истеъмолга яроқсиз деб топилди ва белгиланган тартибда зарарсизлантирилди.

Ветеринария ва чорвачиликни ривожлантириш
Давлат қўмитаси Ахборот хизмати

ДАВЛАТ ВЕТЕРИНАРИЯ ХИЗМАТИ ТОМОНИДАН ОЗИҚ-ОВҚАТ МАҲСУЛОТЛАРИ ХАВФСИЗЛИГИ ТАЪМИНЛАНМОҚДА

Chop etildi: 12.11.2020

Kategoriyalar: Yangiliklar,Yurtimiz yangiliklari

Давлат ветеринария хизмати томонидан озиқ-овқат маҳсулотлари хавфсизлиги таъминланмоқда

Бугунги кунда барча деҳқон бозорларида аҳолига сифатли ва хавфсиз озиқ-овқат маҳсулотлари етказиб бериш бўйича карантин талабларига риоя этган ҳолда зарур чора-тадбирлар амалга оширилмоқда.

Ўтган ҳафта мобайнида “Юнусобод” деҳқон бозорида ветеринария мутахассислари томонидан 23246 кг йирик шохли мол гўшти, 30700 кг майда шохли мол гўшти, 10877 кг парранда гўшти, 10152 кг сут ва сут маҳсулотлари, 10428 кг ўсимликка мансуб маҳсулотлар ҳамда 232500 дона тухум ветеринария лабораториялари кўригидан ўтказилди ва истеъмолга яроқлилиги аниқланиб, сотишга рухсат этилди.

Шунингдек, текширувлар давомида 17 кг чорвачилик маҳсулотлари, 320 дона тухум, 40 кг сут ва сут маҳсулотлари ҳамда 210 кг ўсимликка мансуб маҳсулотлар истеъмолга яроқсиз деб топилди ва белгиланган тартибда зарарсизлантирилди.

Ветеринария ва чорвачиликни ривожлантириш
Давлат қўмитаси Ахборот хизмати

ЎЗБЕКИСТОН РЕСПУБЛИКАСИ ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ ДАВЛАТ ҚЎМИТАСИ РАИСИ БАҲРОМ НОРҚОБИЛОВ МДҲ ДАВЛАТЛАРИНИНГ ВЕТЕРИНАРИЯ СОҲАСИДАГИ ҲАМКОРЛИК БЎЙИЧА ХУКУМАТЛАРАРО КЕНГАШИГА РАИС ЭТИБ САЙЛАНДИ

Chop etildi: 06.11.2020

Kategoriyalar: Yangiliklar,Yurtimiz yangiliklari

Ўзбекистон Республикаси Ветеринария ва чорвачиликни ривожлантириш давлат қўмитаси раиси Баҳром Норқобилов МДҲ давлатларининг ветеринария соҳасидаги ҳамкорлик бўйича Хукуматлараро кенгашига раис этиб сайланди

Пойтахтимизда Мустақил Давлатлар Ҳамдўстлигига аъзо мамлакатларнинг ветеринария соҳасидаги ҳамкорлик алоқалари бўйича Хукуматлараро кенгашининг 42-йиғилиши бўлиб ўтди.

Видеоконференция шаклида ўтказилган мазкур тадбирда Ветеринария ва чорвачиликни ривожлантириш давлат қўмитаси раиси Баҳром Норқобилов МДҲ давлатларининг ветеринария соҳасидаги ҳамкорлик бўйича Хукуматлараро кенгашига раис этиб сайланди. Б.Норқобилов 2020-2021 йиллар давомида Кенгашга раҳбарлик қилади.

Видеоконференцияда ҳайвонларнинг қутуриш, оқсил ва паррандаларнинг грипп касалликларига қарши кураш бўйича олиб борилаётган чора-тадбирлар атрофлича муҳокама қилинди.

Видеоконференция очилиш маросимида Ветеринария ва чорвачиликни ривожлантириш давлат қўмитаси раиси Баҳром Норқобилов барча иштирокчиларни қутларкан, ушбу анжуман МДҲнинг ушбу соҳадаги ишлари самарадорлигини таъминлаш ҳамда келгусидаги устувор йўналишларни белгилаб олишда долзарб аҳамият касб этишини таъкидлаб ўтди.

Шу билан бирга МДҲга аъзо давлатларнинг ветеринария соҳасидаги самарали ҳамкорлиги, барча минтақаларда ҳайвонлар соғлигини ҳимоя қилиш, касалликларга қарши курашиш чоралари ҳамда соҳага янги инновацион лойиҳаларни кенг жорий этиш масалаларига ҳам эътибор қаратилди.

Айни пайтда Ўзбекистон касалликлардан ҳоли худуд мақомига эга бўлиш мақсадида Халқаро ҳайвонлар соғлигини ҳимоя қилиш ташкилоти (OIE)га ўзининг тегишли назорат дастурини тақдим этганлиги қайд этилди.

Маълумот ўрнида айтиш жоизки, кейинги йилларда мамлакатимизда ветеринария, чорвачилик ва наслчилик соҳалари тубдан ислоҳ қилиниб, тармоқнинг ривожланиши янги босқичга қадам қўйди.

Айни пайтда минтақада эпизоотик барқарорликни таъминлаш билан бирга, чорвачилик маҳсулотлари, шу жумладан гўшт ва сут ишлаб чиқариш, қорамоллар наслини яхшилаш ва маҳсулдорлигини ошириш бўйича замонавий ёндашувлар амалиётга жорий этилмоқда.

 

 

 

 

 

Ветеринария ва чорвачиликни ривожлантириш
Давлат қўмитаси Ахборот хизмати

ТОШКЕНТ ШАҲАР ВЕТЕРИНАРИЯ ВА ЧОРВАЧИЛИКНИ РИВОЖЛАНТИРИШ БОШҚАРМАСИДА КОРРУПЦИЯГА ҚАРШИ КУРАШ МАВЗУСИДА СЕМИНАР ТАШКИЛ ЭТИЛДИ

Chop etildi: 04.11.2020

Kategoriyalar: Yangiliklar,Yurtimiz yangiliklari

Тошкент шаҳар ветеринария ва чорвачиликни ривожлантириш бошқармасида коррупцияга қарши кураш мавзусида семинар ташкил этилди

Қўмитанинг Тошкент шаҳар бошқармасида коррупцияга қарши кураш ва унинг олдини олиш мавзусига бағишланган семинар ўтказилди.

Унда шаҳар ветеринария ва чорвачиликни ривожлантириш бошқармаси масъул ходимлари, бошқарманинг туманлар бўлимлари раҳбарлари, ветеринария лабораториялари мутахассислари ҳамда адлия соҳаси вакиллари иштирок этди.

Тадбирда Ўзбекистон Республикасининг “Коррупцияга қарши курашиш тўғрисида”ги Қонуни мазмун ва моҳияти, шунингдек коррупциянинг олдини олиш, иш фаолияти давомида коррупция ҳолатларига йўл қўймаслик лозимлиги хусусида мулоҳаза юритилди.

Семинарда Тошкент шаҳар адлия бошқармаси мутахассиси Ш.Омановнинг мавзуга доир маърузаси тингланди.

Шунингдек, семинар давомида “Маъмурий жавобгарлик тўғрисидаги кодекс”нинг соҳада қўлланилиши, маъмурий баённома расмийлаштириш тартиб ва қоидалари бўйича тегишли тавсиялар берилди.

Ветеринария ва чорвачиликни ривожлантириш
Давлат қўмитаси Ахборот хизмати

“ЎЗБЕКИСТОН АСАЛАРИЧИЛАРИ” УЮШМАСИГА РАИС ТАЙИНЛАНДИ

Chop etildi: 03.11.2020

Kategoriyalar: Yangiliklar,Yurtimiz yangiliklari

“Ўзбекистон асаларичилари” уюшмасига раис тайинланди

Шу муносабат билан “Ўзбекистон асаларичилари” уюшмаси маъмурий биносида янги тайинланган уюшма раиси уюшма аъзоларига таништирилди.

Тадбирда, Ўзбекистон Республикаси Ветеринария ва чорвачиликни ривожлантириш давлат қўмитаси раиси Баҳром Норқобилов иштирок этди.

Шунингдек, тадбирда келгусида асаларичилик тармоғини ривожлантириш бўйича устувор йўналишларни белгилаб олиш ва зарур чора-тадбирларни ишлаб чиқиш лозимлиги қайд этилди.

Маълумот учун, Шарофиддин Баҳриддинов ҳозирги кунга қадар уюшма раиси вазифасини вақтинча бажарувчи лавозимида ишлаб келаётган эди.

Ветеринария ва чорвачиликни ривожлантириш
Давлат қўмитаси Ахборот хизмати